سٺي پاڪستان جي لاءِ ايم ڪيو ايم جي قائد جناب الطاف حسين جي طرفان 12 نڪاتي ويزن.
لنڊن: 20 ڊسمبر 2015
متحده قومي موومينٽ جي قائد جناب الطاف حسين اختياري ڌرين کان مطالبو ڪيو آهي ته پاڪستان جي فوج کي هڪ قومي فوج بڻائڻ جي لاءِ پاڪستان ۾ رهندڙ سمورين قومن کي فوج ۾ برابر جي نمائندگي ڏني وڃي. انهن اهو مطالبو جناح گرائونڊ عزيز آباد ۾ هڪ وڏي جلسي کي خطاب ڪندي ڪيو. پنهنجي خطاب ۾ جناب الطاف حسين پاڪستان جي لاءِ پنهنجو ويزن پيش ڪيو ۽ ان حوالي سان 12 نڪتا به پيش ڪيا.
1 پاڪستان جي فوج کي هڪ قومي فوج بڻائڻ جي لاءِ پاڪستان ۾ رهندڙ سمورين قومن کي فوج ۾ برابر جي نمائندگي ڏني وڃي.
2 پاڪستان کان فرسوده جاگيرداراڻه، سرداراڻه ۽ وڏيراڻه نظام جو مڪمل طور تي خاتمو ڪيو وڃي.
3 زمين جي ملڪيت جي حد مقرر ڪئي وڃي جيڪا وڌ کان وڌ 200 ايڪڙ ٿي سگهي ٿي، زميندارن کان Non Cultivated يعني ناقابل ڪاشت زمين وٺي ڪري هارين کي ڏني وڃي.
2
4 سڄي ملڪ ۾ مڪاني حڪومتون قائم ڪيون وڃن ۽ انهن کي مڪمل اختيار ڏنا
وڃن.
5 مذهبي تعليم جي اجازت هجڻ گهرجي پر ٻين مذهبن، فرقن ۽ مسلڪن جي خلاف نفرت تي ٻڌل تعليم، درس ۽ تقريرن تي پابندي هجي.
6 ڪرپشن جي لاءِ زيرو ٽوليرنس هجي.
7 هر قومي ادارو پنهنجين آئيني حدن ۾ رهي ڪري ڪم ڪري ۽ ٻين ادارن جي معاملن ۾ مداخلت نه ڪري.
8 ملڪ ۾ حقيقي جمهوريت جو قيام عمل ۾ آندو وڃي، پاڪ فوج ۽ ان جون ايجنسيون سول حڪومت جي ماتحت هجن.
9 خارجه سميت ٻيا معاملا فوج نه بلڪه چونڊيل حڪومت هلائي.
10 ملڪ جي وڌندڙ آبادي کي نظر ۾ رکندي گڊ گورننس جي لاءِ ملڪ ۾ وڌيڪ صوبن ۽ انتظامي يونٽن جو قيام عمل ۾ آندو وڃي. اهڙي طرح سنڌ ۾ شهري علائقن تي ٻڌل صوبو به قائم ڪيو وڃي.
11 عوام جي لاءِ صحت ۽ تعليم جي مفت سهولتن جي فراهمي کي يقيني بڻايو وڃي.
12 سڄي ملڪ مان ٻٺي تعليمي نظام جو خاتمو ٿئي ۽ هڪ جهڙو تعليمي نظام رائج ڪيو وڃي.