حق پرست ميمبر سنڌ اسيمبلي وسيم قريشي جو شاهنواز ڀٽو ڪالوني ۾ مدرسي جي ڇت ڪرڻ جي هنڌ جو دورو .
ڪراچي: 10 ڊسمبر 2015
سنڌ اسيمبلي جي حق پرست ميمبر وسيم قريشي شاهنواز ڀٽو ڪالوني ۾ ديني مدرسي جي ڇت ڪرڻ جي هنڌ جو دورو ڪيو ۽ ڇت ڪرڻ جي نتيجي ۾ زخمي ٿيندڙ ٻارن کي پنهنجي نگراني ۾ اسپتال منتقل ڪرايو. ان موقعي تي مدرسي جي مهتمم انهن کي ٻڌايو ته جنهن وقت ڇت ڪري ان وقت مدرسي جا طالب ديني تعليم حاصل ڪري رهيا هئا. پر الله سائين جو شڪر آهي ته انهن مان ڪنهن کي به ڪو وڏو ڌڪ نه لڳو. انهن زخمي ٿيندڙ ٻارن جي عيادت ڪرڻ ۽ انهن کي اسپتال منتقل ڪرائڻ تي انهن جو شڪريو به ادا ڪيو. ان موقعي تي وسيم قريشي سان يوسي شاھ نواز ڀٽو ڪالوني جو نئون چونڊيل حق پرست چيئرمين ۽ ڪائونسلر به گڏ هئا.
*****