حق پرست شهيدن تحريڪي جدوجهد ۾ پنهنجين قيمتي جانين جو نذرانو پيش ڪري تحريڪ کي هميشه جي لاءِ روشني عطا ڪئي آهي. قائد تحريڪ جناب الطاف حسين.

لنڊن: 8 ڊسمبر 2015 

                متحده قومي موومينٽ جي قائد جناب الطاف حسين فرمايو آهي ته ايم ڪيو ايم جي حق پرست شهيدن تحريڪي جدوجهد ۾ پنهنجين قيمتي جانين جا هزارين نذرانا پيش ڪري تحريڪ کي هميشه لاءِ روشني عطا ڪئي آهي ۽ جيڪي تحريڪون يا قومون پنهنجن شهيدن جي قربانين جي قدر نه ٿيون ڪن ته اهي تحريڪون ۽ قومون وقت جي ڏاڍ جو شڪار ٿي ڪري ختم ٿي وڃن ٿيون. 9 ڊسمبر جي موقعي تي پنهنجي هڪ خصوصي پيغام ۾ جناب الطاف حسين حق پرست شهيدن کي زبردست خراج عقيدت پيش ڪندي فرمايو ته ايم ڪيو ايم جي معصوم ۽ بي گناھ ڪارڪنن  حق پرستي جي تحريڪ جي لاءِ ظلم ۽ ڏاڍ جو هميشه وڏي بهادري سان مقابلو ته ڪيو پر باطل قوتن جي اڳيان انهن پنهنجو سر نه جهڪايو ۽ تحريڪ جي لاءِ پنهنجيون جانيون قربان ڪري ڇڏيون. انهن فرمايو ته ايم ڪيو ايم جي حق پرستانه جدوجهد کي تمام تر ظلمن  جي باوجود  انهي جي ڪري اڄ تائين ختم نه ڪيو ويو آهي جو ان جي حفاظت حق پرست شهيدن پنهنجي رت سان ڪئي آهي ۽ اڄ مڪاني اليڪشن ۾ ايم ڪيو ايم جي ميرپورخاص، حيدرآباد ۽ ڪراچي ۾ تاريخي ڪاميابي به حق پرست شهيدن جي ئي صدقي آهي. انهن فرمايو ته 9 ڊسمبر جي ڏينهن اهو عهد ڪيو وڃي ته اسان پنهنجن شهيدن جي قربانين کي ڪڏهن به نه وسارينداسين ۽ شهيدن جي پونئرن جي سار سنڀال کان ڪڏهن به غافل نه ٿينداسين. جناب الطاف حسين حق پرست شهيدن جي بلند درجات جي لاءِ خصوصي دعا ڪندي فرمايو ته حق پرست شهيدن جون قربانيون ضرور رنگ لائينديون ۽ تحريڪي جدوجهد هڪ ڏينهن پنهنجي مشن و مقصد ۾ ضرور ڪامياب ٿيندي.

*****