ايم ڪيو ايم کي طاقت جي ذريعي مڪاني اليڪشن وڙهڻ کان روڪڻ جي واقعن تي قائد تحريڪ جناب الطاف حسين جي طرفان مذمت جو اظهار.
دهشت گرد مختلف پولنگ اسٽيشنن تي رينجر ۽ پوليس جي سامهون غنڊه گردي ڪري رهيا آهن.قائد تحريڪ جناب الطاف حسين.
لنڊن: 5 ڊسمبر 2015
متحده قومي موومينٽ جي قائد جناب الطاف حسين ڪراچي جي مختلف علائقن ۾ ايم ڪيو ايم کي طاقت جي ذريعي مڪاني اليڪشن وڙهڻ کان روڪڻ جي وڌندڙ واقعن جي سخت مذمت ڪندي فرمايو آهي ته ڪراچي ۾ مڪاني اليڪشن جي لاءِ ووٽنگ جو عمل اڄ صبح پرامن طريقي سان شروع ٿيو هو پر دهشت گردن مختلف پولنگ اسٽيشنن تي رينجر ۽ پوليس جي سامهون غنڊه گردي شروع ڪري ڇڏي. رپورٽن جي مطابق لانڍي جي ڪيترن ئي پولنگ اسٽيشنن تي ڏوهاري حقيقي دهشت گردن قبضو ڪري ورتو آهي. حقيقي دهشت گردن ايم ڪيو ايم جي پولنگ ايجنٽن کي تشدد جو نشانو بڻائي انهن کي پولنگ اسٽيشنن کان ٻاهر ڪڍي ڇڏيو ۽ پوءِ انهن اتي وڏي تيزي سان جعلي ووٽ وڌا . لائينز ايريا ۾ به ايم ڪيو ايم جي ووٽرن کي ووٽ وجهڻ کان روڪيو ويو ۽ سمورا سرڪاري اهلڪار ان کليل دهشت گردي کي روڪڻ ۾ بي وس نظر اچي رهيا آهن.جناب الطاف حسين فرمايو ته مان عوام کي واضع طور تي ٻڌائڻ چاهيان ٿو ته اڄ پرامن اليڪشن جي ماحول کي خراب ڪرڻ ۾ اسٽيبلشمينٽ جو اهو ٽولو به شامل آهي. جيڪو نه صرف لال مسجد جي ملا عبدالعزيز جي مدد ڪري رهيو آهي بلڪه طالبان، داعش ۽ القائده جهڙي دهشت گرد تنظيمن جي به مدد ڪري پاڪستان کي سڄي دنيا ۾ بدنام ڪري رهيو آهي. ان جي ڪري محب وطن سول ۽ فوجي قيادت کي گهرجي ته اهي اهڙن ملڪ دشمن عناصرن جي خلاف سخت، ايڪشن وٺن ۽ ملڪ کي انهن دهشت گردن جي Manace کان بچائين.
*****