10 سالن جي لاءِ ڪوٽا سسٽم نافذ ڪيو ويو هو پر اڄ به ڪراچي جا عوام ڪوٽا سسٽم جو عذاب سهي رهيا آهن. وسيم اختر.
مڪاني اليڪشن جي سلسلي ۾ سوسائٽي ۽ لائينز ايريا ۾ ڪارنر ميٽنگن کي خطاب.
ڪراچي: 3 ڊسمبر 2015
ايم ڪيو ايم جي سينٽرل ايگزيڪٽو ڪائونسل جي انچارج وسيم اختر چيو آهي ڪراچي سان تعصب جي انتها اها آهي ته آخري آدمشاري 1998 ۾ ڪرائي وئي. پر ان حساب سان به ڪراچي کي سنڌ ۽ وفاق ۾ نمائندگي ۽ وسيلا نه ڏنا ويا پر اڄ جڏهن جو ڪراچي جي آبادي ٻيڻي ٿي چڪي آهي ته ڪراچي کي ڇا ملي رهيو آهي. انهن خيالن جو اظهار انهن سوسائيٽي ۽ لائينز ايريا ۾ ڪارنر ميٽنگن کي خطاب ڪندي ڪيو. ان موقعي تي رابطا ڪميٽي ميمبر گلفراز خان خٽڪ به موجود هو. وسيم اختر چيو ته سنڌ ۾ ذوالفقار علي ڀٽي ٻهراڙي وارن علائقن کي شهري علائقن جي برابر آڻڻ جي لاءِ سنڌ ۾ 10 سالن جي لاءِ ڪوٽا سسٽم نافذ ڪيو هو پر اڄ ڪيترائي سال گذرڻ جي باوجود به اهو ڪوٽا سسٽم نافذ آهي. جنهن جي ڪري ڪراچي جي عوام جي حڪومتي ادارن ۽ يونيورسٽين ۾ نمائندگي اٽي ۾ لوڻ جي برابر آهي. انهن چيو ته ڪراچي تي قبضي جي لاءِ ٻن جماعتن جيڪي پاڻ ۾ تمام گهڻا اختلاف رکن پيون انهن پاڻ ۾ اتحاد ڪري ورتو آهي. جڏهن ته اهي ٻئي جماعتون طالبان جون سياسي ونگ به آهن. ان کان پوءِ انهن گلفراز خان خٽڪ سان گڏجي گلشن اقبال جي مختلف يوسين جو دورو به ڪيو.
*****