ڪجھھ حڪومتي ميمبر ۽ قانون نافذ ڪرڻ وارن ادارن جا آفيسر ۽ اهلڪار پنهنجن حقن جو ناجائز استعمال ڪري عوامي طاقت کي طاقت جي زور تي ڪڇلڻ چاهين ٿا. ايم ڪيو ايم انٽرنيشنل سيڪريٽريٽ لنڊن ۽ نائن زيرو تي عوام جي موڪليل پيغامن ۾ تاثرَ.

ڪراچي: 27 نومبر 2015 

                    پاڪستان سميت سڄي دنيا ۾ مقيم زندگي جي مختلف شعبن سان تعلق رکڻ وارن ماڻهن جن ۾ استاد، ڊاڪٽر، انجنيئر،وڪيل، صحافي، واپاري، دانشور، اديب، عالم سڳورا  ۽ شاگرد شامل آهن، انهن نائن زيرو ۽ لنڊن سيڪريٽريٽ تي فونن، فيڪسن ۽ اي ميلن جي ذريعي قائد تحريڪ جناب الطاف حسين ۽ مظلوم عوام کي دلي مبارڪباد پيش ڪندي چيو آهي ته ريلي ۾ لکين ماڻهن شرڪت ڪري ثابت ڪري ڇڏيو آهي ته ايم ڪيو  ايم جا تحفظات جائز آهن ۽ اختيار رکندڙ ڌرين کي انهن تحفظات تي توجه ڏيئي ڪري انهن کي دور ڪرڻ گهرجي. پنهنجن تاثرن ۾ انهن وڌيڪ چيو ته ايم ڪيو ايم واحد جماعت آهي جو ان جي اليڪشن آفيسن، سيڪٽرن، يونٽن ۽ ڪارڪنن جي گهرن تي ڇاپا هنيا پيا وڃن جيڪو سراسر غير قانوني ۽ غير آئيني عمل آهي. بلڪه اها  اليڪشن جي ضابطه اخلاق جي سنگين ڀڃڪڙي به آهي. انهن وڌيڪ چيو ته اهي ظالم قوتون قائد تحريڪ جناب الطاف حسين سان عوام جو رشتو نه ڪالھھ ٽوڙي سگهيون ۽ نه اڄ ٽوڙي سگهن ٿيون. پنهنجن پيغامن ۾ انهن قائد تحريڪ جناب الطاف حسين جي وڏي عمر ۽ صحت و تندرستي جي لاءِ خصوصي دعائون به ڪيون.