ڪوهاٽ ۾ نيو نيوز جي رپورٽر حفيظ الرحمٰن جي وحشياڻي قتل تي ايم ڪيو ايم شعبه اطلاعات جي طرفان مذمت جو اظهار
ڪراچي: 22 نومبر 2015
متحده قومي موومينٽ جي شعبه اطلاعات دهشت گردن جي فائرنگ سان ڪوهاٽ ۾ نيو نيوز جي رپورٽر حفيظ الرحمٰن جي وحشياڻي قتل جي سخت ترين لفظن ۾ مذمت ڪئي آهي. پنهنجي هڪ بيان ۾ شعبه اطلاعات چيو ته صحافتي فرض انجام ڏيڻ جي دوران حفيظ الرحمٰن کي دهشت گردن جي طرفان هلاڪ ڪرڻ نه صرف افسوسناڪ بلڪه امن پسند شهرين جي لاءِ ڳڻتي جي ڳالھھ به آهي. شعبه اطلاعات حفيظ الرحمٰن جي سوگوار پونئرن سان ۽ نيو نيوز جي اسٽاف سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ دعا ڪئي ته الله تعالٰي مرحوم کي جنت الفردوس ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين. ان کان علاوه شعبه اطلاعات ڪي پي ڪي جي وزير اعلٰي پرويز خٽڪ کان مطالبو ڪيو ته اهي حفيظ الرحمٰن جي قتل جو نوٽس وٺن ۽ ان واقعي ۾ ملوث دهشت گردن کي فوري طور تي گرفتار ڪرائي سخت ترين سزا به ڏيارين.