اندرون سنڌ کان نامزد حق پرست اميدوارن جي ڪاميابي قائد تحريڪ جناب الطاف حسين ۽ ايم ڪيو ايم جي تمام گهڻي عوامي خدمت ۽ جدوجهد جو ثمر آهي. رابطا ڪميٽي ميمبر زاهد منصوري.
پي آئي بي ڪالوني، محمود آباد ۽ گلشن اقبال ۾ ڪارنر ميٽنگن کي خطاب.
ڪراچي: 20 نومبر 2015
متحده قومي موومينٽ جي رابطا ڪميٽي جي ميمبر زاهد منصوري چيو آهي ته حيدرآباد، ميرپورخاص ۽ سکر کان حق پرست اميدوارن جون ڪاميابيون قائد تحريڪ جناب الطاف حسين ۽ ايم ڪيو ايم جي تمام گهڻي عوامي خدمت ۽ جدوجهد جو ثمر آهن. انهن خيالن جو اظهار انهن اليڪشن مهم جي سلسلي ۾ پي آئي بي، محمود آباد ۽ گلشن اقبال ۾ الڳ الڳ ڪارنر ميٽنگن کي خطاب ڪندي ڪيو. ان موقعي تي سي اي سي ميمبر ابوبڪر صديقي به موجود هئا. ڪارنر ميٽنگن کي خطاب ڪندي زاهد منصوري چيو ته حيدرآباد، ميرپورخاص ۽ سکر کان حق پرست اميدوارن جي وڏي تعداد ۾ ڪاميابين مان واضع ٿي ويو آهي ته جناب الطاف حسين ئي عوام جا هردلعزيز قائد ۽ ايم ڪيو ايم انهن جي پسنديده جماعت آهي. انهن چيو ته هاڻي اهي نام نهاد سياسي ۽ مذهبي جماعتون جيڪي ايم ڪيو ايم جي عوامي مينڊيٽ کي تسليم نه ٿيون ڪن انهن جو مداري پن ۽ سياسي دڪانداري 5 ڊسمبر تي بند ٿي ويندي ۽ عوامي ووٽ انهن جماعتن جي اصليت کي هڪ ڀيرو ٻيهر بي نقاب ڪري ڇڏيندو. انهن عوام کي اپيل ڪئي ته اهي 5 ڊسمبر تي وڏي تعداد ۾ حق پرست نمائندن کي ووٽ ڏيئي ڪري ڪامياب ڪرائين.