حيدرآباد جي عوام 19 نومبر کان پهرين ئي حق پرست نمائندن کي بنا مقابلي جي ڪامياب ڪرائي پنهنجو فيصلو ڏيئي ڇڏيو آهي. رابطا ڪميٽي ميمبر شبير احمد قائم خاني.
حيدرآباد سيڪٽر سي جي يونين ڪائونسل نمبر 12 ۽ سيڪٽر اي ۾ ڪارنر ميٽنگن کي خطاب.
حيدرآباد: 17 نومبر 2015
حيدرآباد جي عوام 19 نومبر کان پهرين ئي حق پرست نمائندن کي بنا مقابلي جي ڪامياب ڪرائي پنهنجو فيصلو ڏيئي ڇڏيو آهي. انهن خيالن جو اظهار رابطا ڪميٽي ميمبر شبير احمد قائم خاني مڪاني اليڪشن جي سلسلي ۾ حيدرآباد ۾ سيڪٽر سي جي يونين ڪائونسل نمبر 12 ۽ سيڪٽر اي ۾ ٿيندڙ ڪارنر ميٽنگن خطاب ڪندي ڪيو. ان موقعي تي حق پرست اسيمبلي ميمبر فيصل سبز واري، دلاور قريشي، حيدرآباد زونل انچارج نويد شمسي ۽ ٻيا به موجود هئا.شبير احمد قائم خاني چيو ته 19 نومبر تي ٿيندڙ مڪاني اليڪشن ۾ عوام حق پرست نمائندن کي وڏي اڪثريت سان ڪامياب ڪري هن شهر مان منافقن جو هميشه جي لاءِ خاتمو ڪري ڇڏيندا. انهن چيو ته حيدرآباد تعمير اتحاد جي نالي سان بڻجڻ وارو سياسي اتحاد ذاتي مفاد پرست سياستدانن جو ٽولو آهي جيڪو صرف ۽ صرف پنهنجن مفادن جي لاءِ گڏ ٿيو آهي. ان موقعي تي خطاب ڪندي فيصل سبز واري چيو ته حيدرآباد قائد تحريڪ جناب الطاف حسين جي چاهڻ وارن جو شهر آهي ۽ هن شهر جي عوام اليڪشن کان اڳ ئي حق پرست اميدوارن کي ڪامياب ڪرائي پنهنجو فيصلو ڏيئي ڇڏيو آهي. انهن عوام کي مخاطب ڪندي چيو ته حيدرآباد ۾ مفاد پرست ٽولي 10 جماعتي اتحاد جي نالي سان باطل اتحاد ٺاهيو آهي، جيڪو صرف پنهنجا مفاد حاصل ڪرڻ جي لاءِ گڏ ٿيو آهي، بس صرف ان کان هوشيار رهڻو آهي. ان موقعي تي حيدرآباد زونل انچارج نويد شمسي، دلاور قريشي ۽ ٻين به خطاب ڪيو.
*****