حيدرآباد ۾ مڪاني اليڪشن کان پهرين حق پرست اميدوارن جي بنا مقابلي جي ڪاميابي جناب الطاف حسين جي نظريي جي فتح آهي. ايم ڪيو ايم اڳواڻ فيصل سبز واري.
حيدرآباد ۾ مڪاني اليڪشن جي سلسلي ۾ يونين ڪائونسل نمبر 94 ۾ معززن سان ڳالھھ ٻولھھ.
حيدرآباد: 17 نومبر 2015
حيدرآباد ۾ مڪاني اليڪشن کان پهرين ئي حق پرست اميدوارن جي بنا مقابلي جي ڪاميابي جناب الطاف حسين جي نظريي جي فتح آهي. انهن خيالن جو اظهار ايم ڪيو ايم اڳواڻ فيصل سبز واري حيدرآباد ۾ يونين ڪائونسل نمبر 94 ۾ ڪوهسار هائوسنگ سوسائٽي جي عهديدارن ۽ علائقي جي معززن سان ملاقات جي دوران ڳالھھ ٻولھھ ڪندي ڪيو. ان موقعي تي حق پرست اسيمبلي ميمبر زبير احمد خان ۽ ٻيا به موجود هئا. فيصل سبز واري چيو ته قائد تحريڪ جناب الطاف حسين جي فڪر و فلسفي کان خوفزده ظالم قوتون مڪاني اليڪشن ۾ 10 جماعتي اتحاد بڻايو آهي جيڪو ان ڳالھھ جو ثبوت آهي ته باطل قوتون قائد تحريڪ جناب الطاف حسين ۽ ان جي ڪارڪنن جو گڏجي ڪري به مقابلو ڪري نه ٿيون سگهن. انهن چيو ته 10 جماعتي اتحاد هجي يا 110 جماعتي اتحاد پر جناب الطاف حسين جي نامزد ڪيل اميدوارن کي شڪست ڏيڻ مفاد پرست ٽولي جي وس جي ڳالھھ نه آهي.
*****