ايم ڪيو ايم جي ڊپٽي ڪنوينر ڪهف الورٰي ۽ رابطا ڪميٽي ميمبر امين الحق ايڪسپو سينٽر ۾ ڪتابن جي ميلي جو دورو ڪيو
ڪراچي: 16 نومبر 2015
متحده قومي موومينٽ جي رابطا ڪميٽي جي ڊپٽي ڪنوينر ڪهف الورٰي ۽ رابطا ڪميٽي ميمبر امين الحق ايڪسپو سينٽر ۾ ڪتابن جي ميلي جو دورو ڪيو ۽ مختلف اسٽالن تي وڃي ڪري ڪتابن جو جائزو ورتو.انهن ايم ڪيوايم جي شعبي لٽريچر ڪميٽي جي طرفان لڳايل اسٽالن جو به دورو ڪيو ۽ قائد تحريڪ جناب الطاف حسين جي خطابن، بيانن، انٽرويوز ۽ ليڪچرن تي ٻڌل ڪتابن جو جائزو ورتو ۽ انهن کي عوام ۾ به ورهايو. ان موقعي تي انهن اسٽال تي ايندڙ شاگردن سان ملاقات ڪئي ۽ انهن کي ايم ڪيو ايم جي عملي جدوجهد ۽ جناب الطاف حسين جي 37 ساله جدوجهد جي باري ۾ مڪمل ڄاڻ فراهم ڪئي. ايم ڪيو ايم وفد ۾ سي اي سي ميمبر حيدرعباس رضوي ۽ سي آئي سي ميمبر ناصر جمال به شامل هئا.