ٽنڊو ڄام حق پرستن جو شهر آهي ۽ ان شهر مان حق پرست نمائندا ئي وڏي اڪثريت سان ڪامياب ٿيندا. شبير احمد قائم خاني
مڪاني اليڪشن ۾ ٽنڊو ڄام کان حق پرستن جي فتح يقنيي آهي، ڇو ته اهو قائد تحريڪ جناب الطاف حسين جي چاهڻ وارن جو شهر آهي. حيدر عباس رضوي
ٽنڊو ڄام ۾ مڪاني اليڪشن جي سلسلي ۾ ڪارنر ميٽنگن کي خطاب
حيدرآباد: 16 نومبر 2015
ٽنڊو ڄام جي عوام جو اهو سمنڊ ايم ڪيو ايم مخالفن کي اهو پيغام ڏيئي رهيو آهي ته ٽنڊو ڄام ڪالھھ به قائد تحريڪ جناب الطاف حسين جو شهر هو ۽ اڄ به آهي. انهن خيالن جو اظهار رابطا ڪميٽي ميمبر شبير احمد قائم خاني ٽنڊو ڄام ۾ اليڪشن مهم ۽ ايمبولينس سينٽر جي افتتاح جي موقعي تي منعقد ٿيندڙ تقريب کي خطاب ڪندي ڪيو. ان موقعي تي سي اي سي ميمبر حيدرعباس رضوي ۽ ٻيا به موجود هئا. شبير احمد قائم خاني چيو ته قائد تحريڪ جناب الطاف حسين جي نظريي جي فروغ ۾ ٽنڊو ڄام شهر هڪ وڏو ڪردار ادا ڪيو آهي. انهن چيو ته ٽنڊو ڄام حق پرستن جو شهر آهي ۽ هتان حق پرست نمائندا ئي وڏي اڪثريت سان ڪامياب ٿيندا. ان موقعي تي خطاب ڪندي حيدرعباس رضوي چيو ته مڪاني اليڪشن ۾ هتان حق پرستن جي ڪاميابي يقيني آهي ڇو ته اهو شهر جناب الطاف حسين جي چاهڻ وارن جو شهر آهي، ان موقعي تي ٻين به خطاب ڪيو.