19 نومبر جي مڪاني اليڪشن ۾ حق پرست اميدوارن جي ئي فتح ٿيندي.رابطا ڪميٽي ميمبر محترمه زرين مجيد.
ميرپورخاص ۾ ڪارنر ميٽنگ کي خطاب.
ميرپورخاص: 14 نومبر 2015
ميرپورخاص جي عوام جو جوش و خروش ان ڳالھھ جي گواهي ڏيئي رهيو آهي ته 19 نومبر تي ٿيندڙ مڪاني اليڪشن ۾ فتح حق پرستن جي ئي ٿيندي. انهن خيالن جو اظهار رابطا ڪميٽي ميمبر محترمه زرين مجيد ميرپورخاص ۾ ڪارنر ميٽنگ کي خطاب ڪندي ڪيو. ان موقعي تي شعبه خواتين جي انچارج ڪشور زهرٰي، ايس ٽي سي ميمبر عشرت بيگم ۽ ٻيا به موجود هئا. محترمه زرين مجيد چيو ته ايم ڪيو ايم ملڪ جي واحد جماعت آهي جنهن تعليم يافته غريب ۽ پڙهيل لکيل ماڻهن کي ايوانن ۾ موڪلي ڪري هڪ نئين روايت کي جنم ڏنو آهي ۽ موروثي سياست جو خاتمو ڪيو آهي. انهن حق پرست عوام کي اپيل ڪئي ته اهي 19 نومبر تي لغڙ تي ٽپو هڻي ڪري ظالم قوتن کي عبرتناڪ شڪست ڏين. ان کان علاوه رشيد ڀيا به ڪارنر ميٽنگ کي خطاب ڪيو.
*****