مون گارڊن جي رهائشين کي روڊن تي ويهاري ڪري انهن جي توهين ڪئي پئي وڃي. وسيم اختر

ڪراچي: 13 نومبر 2015

 متحده قومي موومينٽ جي قائد جناب الطاف حسين جي خصوصي هدايت تي ايم ڪيو ايم جي وفد مون گارڊن جو دورو ڪيو ۽ رهائشين سان تفصيلي ملاقات به ڪئي.  وفد ۾ ايم ڪيو ايم سينٽرل ايگزيڪٽو ڪائونسل جو انچارج وسيم اختر، ليگل ايڊ ڪميٽي جو صدر محفوظ يار خان، اسيمبلي ميمبر اقبال محمد علي، ثمن جعفري، ڊاڪٽر نگهت شڪيل ۽ ٻيا به موجود هئا. ان موقعي تي ڳالھھ ٻولھھ ڪندي وسيم اختر چيو ته ڪراچي جي رهائشين کي روڊن تي ويهاري ڪري انهن جي توهين ڪئي وئي آهي. مون گارڊن جي رهائشين کي ڪراچي جو شهري هجڻ جي سزا ڏني پئي وڃي پر ڪراچي جا رهڻ وارا بي سهارا نه آهن. ايم ڪيو ايم انهن سان گڏ بيٺي آهي ۽ ان ڪيس جي اختتام تائين هتان جي رهائشين کي ڪنهن به پريشاني ۾ مبتلا ٿيڻ نه ڏينداسين. ان موقعي تي محفوظ يار خان چيو ته ايم ڪيو ايم جي وڪيلن مون گارڊن جي معاملي تي 18 نومبر تائين اسٽي آرڊر ورتو آهي. انشاء الله تعالٰي اسان مون گارڊن جي رهائشين کي انهن جا گهر واپس ڏيارڻ جي لاءِ آخري وقت تائين محنت ڪنداسين. ان موقعي تي متاثرن ايم ڪيو ايم جي طرفان انهن جي حقن جي لاءِ جدوجهد ڪرڻ تي جناب الطاف حسين جو شڪريو به ادا ڪيو.