مڪاني اليڪشن ۾ عوام پنهنجي مينڊيٽ جي ذريعي ايم ڪيو ايم جي مخالفن کي آئينو ڏيکاري ڇڏيندا.رابطا ڪميٽي ميمبر محمد حسين.
ايم ڪيو ايم نواب شاھ ۾ سياسي مخالفن کي شڪست ڏيئي ڪري نواب شاھ جي تاريخ ۾ هڪ نئون باب رقم ڪندي.رابطا ڪميٽي ميمبر عادل خان ۽ اسلم آفريدي.نواب شاھ ۾ ڪارنر ميٽنگن کي خطاب.
نواب شاھ: 13 نومبر 2015
جنرل اليڪشن 2013 ۾ ايم ڪيو ايم جي ڪارڪنن کي رتو رت ڪري شهيد ڪيو ويو پر اسان انتقام تي يقين نه ٿا رکون ۽ اسان عوامي مينڊيٽ هاصل ڪري پنهنجن مخالفن کي سياسي ميدان ۾ شڪست ڏينداسين. انهن خيالن جو اظهار رابطا ڪميٽي ميمبرن محمد حسين، عادل خان ۽ اسلم آفريدي نواب شاھ ۾ ڪارنر ميٽنگن کي خطاب ڪندي ڪيو. ان موقعي تي ٻيا به موجود هئا. انهن چيو ته رنگ و نسل، مذهب ۽ قوميت جي فرق کي ختم ڪري ايم ڪيو ايم جي پليٽ فارم تي گڏ ٿي ڪري پاڪستان جا غيور عوام مڪاني اليڪشن ۾ شاندار فتح حاصل ڪري جاگيرداراڻه ۽ وڏيراراڻه نظام جو خاتمو ڪري ڇڏيندا. انهن چيو ته ايم ڪيو ايم جي خلاف گندا هٿڪنڊا استعمال ڪرڻ وارا سياسي مخالف اها ڳالھھ سمجهي وٺن ته ايم ڪيو ايم هڪ محب وطن جماعت آهي جنهن کي ڪڏهن به ختم ڪري نه ٿو سگهجي. ان کان علاوه انهن رائو برادري، ميواتي برادري ۽ ٻين برادرين سان ملاقاتون به ڪيون ۽ انهن برادرين جي ماڻهن انهن کي خاطري ڪرائي ته اهي 19 نومبر تي لغڙ تي ئي ٽپو هڻندا.