ميرپورخاص جا با شعور عوام 19 نومبر تي حق پرست اميدوارن کي ڪامياب بڻائي شهر جي ترقي ۽ خوشحالي جي لاءِ نئين سفر جو آغاز ڪندا. سنڌ اسيمبلي ۾ اپوزيشن ليڊر خواجه اظهار الحسن
ميرپورخاص ۾ مڪاني اليڪشن جي سلسلي ۾ ڪارنر ميٽنگن کي خطاب
ميرپورخاص: 13 نومبر 2015
سنڌ اسيمبلي ۾ اپوزيشن ليڊر خواجه اظهار الحسن چيو آهي ته ظالم عناصر عوا م کي بنيادي حقن کان محروم رکڻ چاهين ٿا پر ايم ڪيو ايم انهن جي حقن جي لاءِ جدوجهد ڪندي رهندي.انهن خيالن جو اظهار انهن ميرپورخاص ۾ يوسي مير اڇن ۽ مختلف يوسين ۾ ڪارنر ميٽنگن کي خطاب ڪندي ڪيو. ان موقعي تي اسيمبلي ميمبر وقار شاھ، زونل انچارج مجيب الحق ۽ ٻيا به موجود هئا. خواجه اظهار الحسن چيو ته ايم ڪيو ايم عوام جي دلين ۾ جيڪو مقام پيدا ڪيو آهي ان کي ڪوئي به ختم ڪري نه ٿو سگهي ۽ 19 نومبر تي ميرپور جا حق پرست عوام ظالم قوتن کي رڌ ڪري ڇڏيندا. انهن چيو ته تاريخ گواھ آهي ته ايم ڪيو ايم عوام کي ڪڏهن به اڪيلو نه ڇڏيو آهي. بلڪه تمام تر ڏکين حالتن جي باوجود ملڪ ۽ قوم جي ترقي جي لاءِ پنهنجو ڪردار ادا ڪيو آهي. انهن چيو ته ماضي ۾ حق پرست نمائندن بي شمار ترقياتي ڪم ڪرايا جن سان عوام اڄ فائدو کڻي رهيا آهن. ان موقعي تي ٻين به خطاب ڪيو.