وسيم اختر جي سربراهي ۾ ايم ڪيو ايم جي وفد جي مون گارڊن جي متاثرن سان ملاقات.
ايم ڪيو ايم مون گارڊن جي متاثرن سان گڏ آهي.وسيم اختر.
ڪراچي: 12 نومبر 2015
ايم ڪيو ايم جي قائد جناب الطاف حسين جي خصوصي هدايت تي ايم ڪيو ايم جي سينٽرل ايگزيڪٽو ڪائونسل جي انچارج وسيم اختر وفد سان گڏجي مون گارڊن جي متاثرن سان ملاقات ڪئي ۽ انهن سان مڪمل همدردي جو اظهار ڪيو. ايم ڪيو ايم جي وفد ۾ سي اي سي ميمبر ابوبڪر صديقي، حق پرست اسيمبلي ميمبر اقبال محمد علي ۽ ڊاڪٽر نگهت شڪيل شامل هيون. ان موقعي تي مون گارڊن جي متاثرن سان مڪمل همدردي جو اظهار ڪندي وسيم اختر چيو ته اهڙي طريقي سان اچانڪ ماڻهن کي بي دخل ڪرڻ مسئلي جو حل نه آهي ۽ ان مسئلي جو جيڪو ذميوار آهي يعني بلڊر ۽ ليز ڪرڻ وارا آفيسر انهن کي گرفتار ڪيو وڃي.ان جي ڪري سنڌ حڪومت غريب رهائشين جي خلاف غير قانوني ۽ غير آئيني طريقا استعمال ڪرڻ جي بجاءِ انهن کي گرفتار ڪري جن انهن غريبن جي سڄي عمر جي ڪمائي کي لٽيو آهي. ان موقعي تي متاثرن ايم ڪيو ايم جي وفد جي آمد جو شڪريو ادا ڪندي چيو ته هر مسئلي تي هميشه ايم ڪيو ايم ئي سڀني کان پهرين عوام وٽ پهتي آهي. جنهن جي لاءِ اسان جناب الطاف حسين جا انتهائي مشڪور آهيون. ان موقعي تي وسيم اختر قائد تحريڪ جناب الطاف حسين جي طرفان مون گارڊن جي متاثرن جي لاءِ کاڌي پيتي جا خصوصي انتظام ڪرڻ جي به هدايت ڪئي.
*****