حق پرستن وٽ مڪاني نظام نه هجڻ جي ڪري پورو ميرپورخاص گندگي جو ڍير بڻجي چڪو آهي. رابطا ڪميٽي ميمبرَ عبدالحسيب ۽ اقبال مقدم.
مير پورخاص ۾ ڪارنر ميٽنگ کي خطاب.
ميرپورخاص: 11 نومبر 2015
ايم ڪيو ايم جي رابطا ڪميٽي جي ميمبرن عبدالحسيب ۽ اقبال مقدم چيو آهي ته ايم ڪيو ايم ملڪ جي واحد جماعت آهي جنهن غريب ۽ وچولي طبقي مان جنم ورتو. انهن خيالن جو اظهار انهن ميرپورخاص ۾ ڪارنر ميٽنگ کي خطاب ڪندي ڪيو. ان موقعي تي اسيمبلي ميمبر ۽ ٻيا به موجود هئا. انهن چيو ته قائد تحريڪ جناب الطاف حسين هميشه پاڪستان جي ترقي ۽ خوشحالي، مذهبي رواداري، فرقي وارانه هم آهنگي ۽ ڀائي چاري جي فروغ جي لاءِ نه صرف درس ڏنو آهي بلڪه ان جي لاءِ عملي جدوجهد به ڪئي آهي.انهن چيو ته قيام پاڪستان کان وٺي ڪري اڄ تائين ڪرپٽ سياسي نظام جي ذريعي ايندڙ وڏيرن ۽ جاگيردارن ملڪي خزاني کي ٻنهي هٿن سان لٽيو ۽ اربين روپيا هڙپ ڪري ويا.جنهن جي ڪري اڄ ملڪ جي اها حالت ٿي وئي آهي.انهن عوام کي اپيل ڪئي ته اهي 19 نومبر تي حق پرست اميدوارن کي ووٽ ڏيئي ڪري ڪامياب بڻائين.
*****