نواب شاھ جي عوام هميشه حق پرستي جي رستي تي هلڻ کي ترجيح ڏني آهي. رابطا ڪميٽي ميمبر محمد حسين.
نواب شاھ ۾ ڪارنر ميٽنگ کي خطاب.
نواب شاھ: 11 نومبر 2015
متحده قومي موومينٽ جي رابطا ڪميٽي جي ميمبر محمد حسين چيو آهي ته نواب شاھ هميشه قائد تحريڪ جناب الطاف حسين جي چاهڻ وارن جو شهر رهيو آهي. انهن خيالن جو اظهار انهن نواب شاھ ۾ ڪارنر ميٽنگ کي خطاب ڪندي ڪيو.ان موقعي تي اسيمبلي ميمبر هير سوهو، رعنا انصار ۽ ٻيا به موجود هئا. انهن چيو ته ايم ڪيو ايم اليڪشن جي متعلق سموري ضابطه اخلاق تي عمل ڪري رهي آهي ۽ اهڙي طرح ٻين سياسي پارٽين جا اميدوار به ان ضابطه اخلاق تي عمل ڪن . انهن چيو ته پرامن اليڪشن ۽ عوام کي ووٽ وجهڻ جي آزادي جو حق ڏيڻ تمام ضروري آهي. انهن عوام کي اپيل ڪئي ته اهي حق پرست اميدوارن کي وڏي تعداد ۾ ووٽ ڏيئي ڪري ڪامياب بڻائين. ان کان علاوه انهن ايس ايس پي پرويز عمراڻي ۽ ڊي ايس پي اعجاز ترين سان به ملاقاتون ڪيون. ملاقاتن ۾ نواب شاھ ۾ 19 نومبر تي ٿيندڙ مڪاني اليڪشن جي حوالي سان خيالن جي ڏي وٽ ڪئي وئي. ان دوران ايس ايس پي ۽ ڊي ايس پي انهن کي مڪمل خاطري ڪرائي ته اهي اليڪشن کي پرامن بڻائڻ جي لاءِ هر ممڪن ڪوشش ڪندا.
*****