ايم ڪيو ايم جي زير اهتمام نائن زيرو تي هندو برادري جي ڏڻ ديوالي جي تقريب منعقد ٿي.

ڪراچي: 11 نومبر 2015 

                  متحده قومي موومينٽ جي زير اهتمام نائن زيرو تي هندو برادري جو مذهبي ڏڻ ديوالي ملهايو ويو. ان سلسلي ۾ ايم ڪيو ايم اقليتي امور ڪميٽي جي طرفان ڏيئا روشن ڪيا ويا ۽ ڪارڪنن ۾ مٺائي به ورهائي وئي. ان موقعي تي جناب الطاف حسين ٽيلفونڪ خطاب ڪندي شرڪاء کي مبارڪباد به پيش  ڪئي. تقريب ۾ رابطا ڪميٽي  جي سينيئر ڊپٽي ڪنوينر عامر خان، ڊپٽي ڪنوينر شاهد پاشا، رابطا ڪميٽي ميمبر امين الحق، سي اي سي انچارج وسيم اختر ۽ ٻين به شرڪت ڪئي. ان موقعي تي تقريب کي خطاب ڪندي اقليتي امور ڪميٽي جي انچارج منوهر لال چيو ته جناب الطاف حسين پاڪستان جا واحد ليڊر آهن  جيڪي ملڪ ۾ وسندڙ سمورن مذهبن جي ماڻهن سان برابري جو سلوڪ ڪن ٿا ۽ انهن جي ڏک ۽ خوشي ۾ به شريڪ رهن ٿا ۽ اهي پنهنجن ڪارڪنن کي به ٻين مذهبن جي ماڻهن سان ڪلهو ڪلهي ۾ ملائي ڪري بيهڻ جي هدايت ڪن ٿا.ان کان اڳ هندو برادري جي طرفان ٽيبلو به پيش ڪيا ويا.ان کان پوءِ پنڊت وجي مهاراج ملڪ جي ترقي ۽ استحڪام جي لاءِ خصوصي دعا به ڪرائي. 

*****