ڪراچي ايشيا جي سڀني کان وڌيڪ آبادين وارن شهرن مان هڪ بڻجي چڪو آهي پر اهو پاڻي جهڙي بنيادي سهولت کان محروم آهي. ڊاڪٽر فاروق ستار
ايم ڪيو ايم تي بي بنياد الزام لڳايا وڃن ٿا پر اسان جي ڪارڪنن جي قاتلن کي اڄ تائين گرفتار نه ڪيو ويو آهي. وسيم اختر
ايم ڪيو ايم ليگل ايڊ ڪميٽي جي صدر محفوظ يار خان جي رهائشگاھ تي هڪ تقريب کي خطاب
ڪراچي: 9 نومبر 2015
متحده قومي موومينٽ جي سينيئر رهنما ڊاڪٽر فاروق ستار چيو آهي ته ڪراچي ايشيا جو سڀني کان وڏي آبادي وارن شهرن مان هڪ شهر بڻجي چڪو آهي ۽ پي پي سنڌ ۾ گذريل 8 سالن کان اقتدار ۾ آهي پر ان ڪراچي جي ترقي جي لاءِ ڪجھھ به نه ڪيو آهي ۽ جيڪڏهن ڪيو هجي ها ته شهر جي اها حالت نه ٿئي ها . انهن خيالن جو اظهار انهن ايم ڪيو ايم ليگل ايڊ ڪميٽي جي صدر محفوظ يار خان جي رهائشگاھ تي منعقد ٿيندڙ تقريب کي خطاب ڪندي ڪيو. انهن چيو ته ڪراچي کي پاڻي جي فراهمي جا وڏا وڏا منصوبا اڄ تائين مڪمل نه ڪيا ويا آهن جيڪڏهن ايتري وڏي آبادي کي پاڻي جي حق کان محروم رکيو ويو ته پوءِ عوامي جذبا مجروح ٿيندا ۽ اهو معاملو شدت اختيار ڪري ويندو. انهن چيو ته وزيرستان ۽ مالاڪنڊ ۾ آپريشن جي دوران به خصوصي پيڪيجز ڏنا پيا وڃن پر ڪراچي آپريشن ۾ اهڙوڪوئي به رليف پيڪيج نه ڏنو ويو آهي. انهن چيو ته سابق حڪمرانن اوڀر پاڪستان جي عوام کي انهن جي حقن کان محروم رکيو جنهن جي نتيجي ۾ ملڪ کي ناقابل تلافي نقصان پهتو هو پر اسان ان مان ڪجھھ به حاصل نه ڪيو آهي. ان موقعي تي سي اي سي انچارج وسيم اختر خطاب ڪندي چيو ته جناب الطاف حسين جي تصويرن ۽ خطابن جي نشر و اشاعت تي پابندي لڳائي وئي آهي جيڪا اظهار رائي جي آزادي تي پابندي لڳائڻ جي برابر آهي. انهن چيو ته اڄ ميڊيا ۾ اهڙن ماڻهن کي ليڊر بڻايو ويو آهي جن پاڻ ڪراچي ۾ غير قانوني هٿيار ورهائڻ جو اعتراف ڪيو هو. انهن چيو ته جناب الطاف حسين جي خلاف سڄي ملڪ ۾ ڪوڙي ۽ بي بنياد ايف آئي آر ڪٽرايون ويون ۽ اسان کي غدار چيو ويو پر جڏهن اسان احتجاجن ملڪ جي ايوانن کان استعيفٰي ڏنا ته سڀني اسان جي سياسي طاقت کي قبول ڪيو.