پاڪستان جي ترقي ۽ خوشحالي اسان جو اولين مقصد آهي ۽ ملڪ جي ترقي جي لاءِ اسان ڏينهن رات محنت ڪندا رهنداسين. رابطا ڪميٽي ميمبر محمد حسين
مڪاني اليڪشن جو نتيجو ايم ڪيو ايم جي مخالفن جي تابوت ۾ آخري ڪوڪو ثابت ٿيندو. طارق جاويد
نواب شاھ ۽ ميرپور خاص ۾ ڪارنر ميٽنگن کي خطاب
نواب شاھ: 9 نومبر 2015
پاڪستان جي ترقي ۽ خوشحالي اسان جو اولين مقصد آهي ۽ قائد تحريڪ جناب الطاف حسين جي هدايت جي مطابق اسان ملڪ کي مضبوط بڻائڻ جي لاءِ ڏينهن رات ڪم ڪندا رهنداسين. انهن خيالن جو اظهار رابطا ڪميٽي ميمبر محمد حسين نواب شاھ ۾ مختلف يونٽن ۾ پرچم ڪشائي ڪرڻ جي موقعي تي ڪيو. ان موقعي تي زونل انچارج ۽ ٻيا به موجود هئا. محمد حسين چيو ته مڪاني اليڪشن ۾ حق پرستن جي شاندار فتح عوام دشمن قوتن جي منھھ تي زوردار ٿپ هوندي. ان کان علاوه انهن شهر جي معززن سان ملاقاتون به ڪيون.ان کان علاوه سي اي سي ميمبر طارق جاويد ميرپور خاص ۾ ڪارنر ميٽنگن کي خطاب ڪندي چيو ته ايم ڪيو ايم جمود شڪن تحريڪ آهي ۽ ملڪ ۾ حقيقي جمهوريت جي قيام جي لاءِ عملي طور تي جدوجهد ڪري رهي آهي. انهن وڌيڪ چيو ته 19 نومبر تي حق پرست پنهنجي ووٽ جو استعال ڪري ظالم قوتن کي بدترين شڪست ڏيندا. ان موقعي تي سنڌ تنظيمي ڪميٽي جا ميمبر به انهن سان گڏ هئا.