پارٽي پاليسي ۽ فيصلي جي خلاف عمل ڪرڻ ۽ تنظيمي نظم و ضبط جي سنگين خلاف ورزي ڪرڻ تي ايم ڪيو ايم ميرپورخاص زون جي 8 سابق ذميوارن ۽ ڪارڪنن کي تحريڪ کان خارج ڪيو ويو آهي.ايم ڪيو ايم
ڪراچي: 9 نومبر 2015
ايم ڪيو ايم جي رابطا ڪميٽي مڪاني اليڪشن ۾ تحريڪ جي پاليسي ۽ فيصلي جي خلاف عمل ڪرڻ ۽ تنظيمي نظم و ضبط جي سنگين خلاف ورزي ڪرڻ تي ايم ڪيو ايم ميرپورخاص زون جي 8 سابق ذميوارن ۽ ڪارڪنن کي تحريڪ کان خارج ڪري ڇڏيو آهي. ايم ڪيو ايم کان خارج ڪيلن ۾ ميرپورخاص سيڪٽر سي جي سابق انچارج خالد راشد ولد فقير محمد، سيڪٽر بي يونٽ 4 اي جي سابق يونٽ انچارج محمد اڪبر ولد محمد اسماعيل، يونٽ 4 اي جي يونٽ ڪميٽي جي ميمبر محمد ارشد ولد محمد اسماعيل، سيڪٽر بي يونٽ 3 اي جي ڪارڪن احسان الحق ولد رحيم بخش ، سيڪٽر اي يونٽ 2 بي جي ڪارڪن محمد اڪرم عرف ڪامران ولد اسلام مجاهد، سيڪٽر بي يونٽ 3 اي جي اليڪشن سيل جي ميمبر مظهر علي ولد مظفر علي، سيڪٽر بي يونٽ 3 اي جي ڪارڪن منظر علي ولد مظفر علي ۽ سيڪٽر سي يونٽ 5 اي يوسي 5 جي سابق يوسي ناظم محمود اقبال ولد ڪريم بخش شامل آهن. ان کان علاوه رابطا ڪميٽي ميرپورخاص جي رئيس احمد خان، خليق احمد خان، شفيق احمد خان، وارڊ نمبر 6 ۽ 7 جي اميدوار محمد يوسف ولد عبدالحميد، اميدوار برائي وارڊ نمبر 5 جي اسلم قريشي ولد ياسين قريشي ۽ اميدوار برائي وارڊ نمبر 9 جي التجا خان ولد محمد رضا خان کان لاتعلقي جو اعلان ڪري ڇڏيو آهي.