مڪاني اليڪشن ۾ حق پرست اميدوارن جي شاندار فتح عوام دشمنن قوتن جي منھھ تي چماٽ هوندي.رابطا ڪميٽي ميمبر شبير احمد قائم خاني.
عورتن جي حقن جي جيڪڏهن ملڪ ۾ ڪائي جماعت علمبردار آهي ته اها صرف ۽ صرف متحده قومي موومينٽ آهي. رابطا ڪميٽي ميمبر ريحانه نسرين.
مڪاني اليڪشن جي سلسلي ۾ حيدرآباد ۾ ڪارنر ميٽنگن کي خطاب.
حيدرآباد: 8 نومبر 2015
مڪاني اليڪشن ۾ حق پرستن جي شاندار فتح عوام دشمنن جي منھھ تي چماٽ هوندي ۽ عورتن جي حقن جي جيڪڏهن ملڪ ۾ ڪائي جماعت علمبردار آهي ته اها متحده قومي موومينٽ آهي. انهن خيالن جو اظهار رابطا ڪميٽي ميمبرن شبير احمد قائم خاني ۽ ريحانه نسرين حيدرآباد ۾ ڪارنر ميٽنگن کي خطاب ڪندي ڪيو. ان موقعي تي حق پرست اسيمبلي ميمبر، حيدرآباد زونل انچارج ۽ ٻيا به موجود هئا. رابطا ڪميٽي ميمبرن پنهنجي خطاب ۾ چيو ته مڪاني اليڪشن جمهوريت جي نرسري هونديون آهن پر بدقسمتي سان اسان جي ملڪ ۾ جمهوري حڪومتون ئي حقيقي جمهوريت کان خوفزده آهن. انهن چيو ته اسان جي ملڪ ۾ موروثي حڪمراني کي جمهوريت جو نالو ڏنو وڃي ٿو ۽ ان موروثي حڪمراني جي خلاف قائد تحريڪ جناب الطاف حسين لازوال جدوجهد ڪري رهيا آهن ۽ ملڪ ۾ هڪ حقيقي جمهوريت قائم ڪرڻ جي لاءِ عملي طور تي جدوجهد به ڪري رهيا آهن. انهن چيو ته 19 نومبر تي عوام پنهنجي ووٽ جي طاقت سان حيدرآباد ۾ هڪ حقيقي جمهوريت قائم ڪندا. ان موقعي تي محترمه ريحانه نسرين چيو ته قائد تحريڪ جناب الطاف حسين عورتن کي هر شعبي ۾ برابري جا حق ڏيارڻ جي لاءِ نه صرف آواز بلند ڪئي بلڪه پنهنجي جماعت ايم ڪيو ايم ۾ به عورتن کي مردن جي برابر حق ۽ اختيار ڏنا. جنهن جي ڪري اڄ ايم ڪيو ايم سان لاڳاپيل عورتون ملڪ ۾ رائج فرسوده ۽ جاهلانه رسمن جي خلاف آواز بلند ڪري رهيون آهن. ڪارنر ميٽنگن کي ٻين به خطاب ڪيو.
*****