مڪاني اليڪشن ۾ نارٿ ناظم آباد يوسي 17 کان چئيرمين جي لاءِ نامزد حق پرست اميدوار هارون احمد قريشي، سرجاني ٽائون سيڪٽر يونٽ منگهو پير جي ڪارڪن رضي الدين ۽ اورنگي ٽائون سيڪٽر يونٽ 118 سي جي ڪارڪن نسيم خان جي رينجر جي هٿان غير قانوني گرفتاري تي رابطا ڪميٽي جي طرفان مذمت جو اظهار.
ڪراچي: 6 نومبر 2015
متحده قومي موومينٽ جي رابطا ڪميٽي رينجر اهلڪارن جي هٿان مڪاني اليڪشن ۾ نارٿ ناظم آباد يوسي 17 کان نامزد حق پرست اميدوار هارون احمد قريشي، سرجاني سيڪٽر يونٽ منگهو پير جي ڪارڪن رضي الدين ۽ اورنگي ٽائون سيڪٽر يونٽ 118 سي جي سرڪل انچارج نسيم خان جي غير قانوني گرفتاري جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته رينجر اهلڪارن جي طرفان هارون قريشي، رضي الدين ۽ نسيم خان جي گرفتاري مڪاني اليڪشن جي ضابطه اخلاق جي سنگين ڀڃڪڙي آهي ۽ آپريشن جي آڙ ۾ ايم ڪيو ايم جي بي ڏوهي ڪارڪنن جون گرفتاريون به روز جو معمول بڻجي ويون آهن.رابطا ڪميٽي چيو ته مڪاني اليڪشن ويجهو آهن ۽ رينجر جي طرفان ايم ڪيو ايم جي اميدوارن ۽ ڪارڪنن کي گرفتار ڪرڻ سان عوام ۾ وڏي ڳڻتي پاتي وڃي ٿي ۽ اها وڏي ڳڻتي جي ڳالھھ به آهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ ۽ شڪايارت ازاله ڪميٽي کان مطالبو ڪيو ته چيئرمين جي لاءِ نامزد حق پرست اميدوارن ۽ ڪارڪنن جي گرفتاري جو فوري طور تي نوٽس ورتو وڃي، انهن کي رها ڪيو وڃي ۽ رينجر کي ايم ڪيو ايم جي خلاف بغير ڪنهن ثبوت جي ڪاروائي کان روڪيو وڃي.
*****