ايم ڪيو ايم کي ڪمزور ڪرڻ جي پاليسي برقرار رکي وئي ته ان سان پاڪستان ڪمزور ٿيندو. رابطا ڪميٽي ميمبرَ ڪمال ملڪ ۽ عادل خان.
پي آئي بي ڪالوني ۾ هڪ وڏي چونڊ جلسي کي خطاب.
ڪراچي: 4 نومبر 2015
متحده قومي موومينٽ جي رابطا ڪميٽي جي ميمبرن ڪمال ملڪ ۽ عادل خان چيو ته ايم ڪيو ايم جي مخالفن جا ايم ڪيو ايم کي ختم ڪرڻ ۽ عوام کي جناب الطاف حسين کان پري ڪرڻ جا ڪوڙا دعوٰي اڄ هزارين ماڻهن جي جلسي ۾ شرڪت ڏسي ڪري ناڪام ٿي ويا آهن. انهن خيالن جو اظهار انهن پي آئي بي ڪالوني ۾ هڪ وڏي چونڊ جلسي کي خطاب ڪندي ڪيو. ان موقعي تي سي اي سي ميمبرَ احمد سليم صديقي، منور السلام، حق پرست اسيمبلي ميمبر ڊاڪٽر صغير احمد ۽ ٻيا به موجود هئا. رابطا ڪميٽي چيو ته ايم ڪيو ايم تي وار ڪرڻ پاڪستان تي وار ڪرڻ جي برابر آهي ۽ جيڪڏهن ايم ڪيو ايم کي ڪمزورڪرڻ جي پاليسي برقرار رکي وئي ته ان سان پاڪستان ڪمزور ٿيندو. انهن چيو ته قائد تحريڪ جناب الطاف حسين اسان کي سيکاريو آهي ته انسانيت جي خدمت سڀني کان وڏي عبادت آهي ۽ اسان ان تي عمل ڪندا رهنداسين. انهن چيو ته ايم ڪيو ايم کي جيتري به شدت سان دٻائڻ جي ڪوشش ڪئي ويندي ته اها اوترو ئي اڀرندي. جلسي کي احمد سليم صديقي، منور السلام۽ ڊاڪٽر صغير احمد به خطاب ڪيو.
*****