شاگردياڻين جي پرامن احتجاج جي ڪوريج ڪرڻ وارن صحافين تي ڪراچي يونيورسٽي جي انتظاميه جو تشدد قابل افسوس ۽ صحافت جي آزادي جي خلاف آهي. اي پي ايم ايس او چيئرمين.
ڪراچي: 2 نومبر 2015
اي پي ايم ايس او جي چيئرمين سرفراز احمد صديقي چيو آهي ته ڪراچي يونيورسٽي ۾ شاگردياڻين جي پرامن احتجاج جي ڪوريج ڪرڻ وارن صحافين تي ڪراچي يونيورسٽي جي انتظاميه جي طرفان تشدد ڪرڻ قابل افسوس ۽ صحافت جي آزادي جي خلاف آهي ۽ اسان تشدد جي باوجود شاگردياڻين جي آواز عوام تائين پهچائڻ تي صحافين کي خراج تحسين پيش ڪريون ٿا. پنهنجي هڪ بيان ۾ انهن چيو ته ڪراچي يونيورسٽي ۾ گذريل پوين ڏينهن ۾ اسلامي جميعت طلبه جي غنڊن ڪرڪيٽ کيڏڻ وارن شاگردياڻين کي وحشياڻي تشدد جو نشانو بڻايو هو جنهن جي خلاف شاگردياڻيون ان افسوسناڪ واقعي جي خلاف احتجاج ڪري رهيون هيون. ان موقعي تي اي پي ايم ايس او جي وائيس چيئرپرسن وجيھھ رئوف چيو ته جناب الطاف حسين هميشه عورتن تي ظلمن جي خلاف آواز بلند ڪئي آهي ۽ جيستائين ڪراچي يونيورسٽي ۾ جناب الطاف حسين جي نظريو ۽ اي پي ايم ايس او موجود آهي ان وقت تائين ڪوئي به شاگردياڻين کي تعليم حاصل ڪرڻ کان روڪي نه ٿو سگهي. انهن وزير اعظم ميان نواز شريف، وزير اعلٰي سنڌ سيد قائم علي شاھ ۽ صوبائي وزير تعليم کان مطالبو ڪيو ته اهي شاگردياڻين تي تشدد ڪرڻ وارن اسلامي جميعت طلبه جي غنڊن جي خلاف فوري طور تي ڪاروائي ڪن. ۽ ڪوريج ڪرڻ وارن صحافين تي تشدد جو به نوٽس وٺن.
*****