ايم ڪيو ايم جي رابطا ڪميٽي جي طرفان ڪارڪنن جي گرفتاري تي سخت مذمت جو اظهار.
ڪراچي: 2 نومبر 2015
متحده قومي موومينٽ جي رابطا ڪميٽي ڪراچي ۾ رينجر ۽ ٻين قانون نافذ ڪرڻ وارن ادارن جي اهلڪارن جي طرفان ايم ڪيو ايم جي بي گناھ ڪارڪنن جي لڳاتار گرفتارين جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ رابطا ڪميٽي چيو ته گذريل 24 ڪلاڪن ۾ رينجر لياري سيڪٽر يونٽ 33 جي سابق يونٽ انچارج عمران ۽ ڪارڪنن منير ۽ گلفام کي گرفتار ڪري ورتو آهي، اهڙي طرح ڪورنگي سيڪٽر يونٽ 76 جي ذميوار عمران خان کي به سي آئي ڊي پوليس گرفتار ڪري اڻ ڄاتل هنڌ تي منتقل ڪري ڇڏيو آهي. رابطا ڪميٽي چيو ته ڪراچي ۾ ايم ڪيو ايم کي مڪاني اليڪشن ۾ طاقت جي ذريعي دٻائڻ جون ڪوششون ڪيون پيون وڃن ۽ اهي گرفتاريون به انهي سلسلي جي ڪڙي آهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ ڪراچي آپريشن جي لاءِ قائم ڪيل شڪايات ازاله ڪميٽي کان مطالبو ڪيو آهي ته اهي ايم ڪيو ايم جي بي گناھ ڪارڪنن جي گرفتارين جو سختي سان نوٽس وٺن ۽ گرفتار ٿيل ڪارڪنن کي فوري طور تي آزاد ڪرائين