سنڌ ۾ مڪاني اليڪشن جو پهريون مرحلو: سکر ضلعي جي 4 يونين ڪائونسلن ۾ ايم ڪيو ايم جا چيئرمين ۽ وائيس چيئرمين ڪامياب ٿي ويا آهن، ان کان علاوه سکر جي مختلف يونين ڪائونسلن مان ايم ڪيو ايم جا 17 جنرل ڪائونسل به ڪامياب ٿيا آهن.

ڪراچي: پهرين نومبر 2015 

                   سنڌ ۾ ٿيندڙ مڪاني اليڪشن جي پهرين مرحلي ۾ سکر ضلعي جي 4 يونين ڪائونسلن ۾ ايم ڪيو ايم جا چيئرمين ۽ وائس چيئرمين ڪامياب ٿي ويا آهن.جڏهن ته سکر ضلعي جي مختلف يونين ڪائونسلن مان ايم ڪيو ايم جا 17 جنرل ڪائونسلر به ڪامياب ٿي ويا آهن. تفصيلات جي مطابق سکر ضلعي جي يوسي نمبر 5 کان ايم ڪيو ايم جو محمد فريد صديقي چيئرمين ۽ ماجد حسين وائيس چيئرمين، يوسي نمبر 12 مان ايم ڪيو ايم جو اميدوار سيد نسيم هاشمي چيئرمين ۽ محمد شاهد مغل وائيس چيئرمين ، يوسي نمبر 13 مان محمد ياسين آرائين چيئرمين جڏهن ته نثار احمد وائيس چيئرمين، يوسي 14 مان آصف علي چيئرمين ۽ محمد علي شيخ وائيس چيئرمين چونڊجي ويا آهن. ان کان علاوه ضلعي سکر جي مختلف يونين ڪائونسلن مان ايم ڪيو ايم جا 17 جنرل ڪائونسلر جن ۾ يونين ڪائونسل نمبر 1 جي وارڊ نمبر 2 کان محمد شاهد، وارڊ نمبر 3 کان محمد آصف،يونين ڪائونسل نمبر 3 جي وارڊ نمبر 3 کان آصف الدين، وارڊ نمبر 4 کان ڪاشف ذاڪر، يونين ڪائونسل نمبر 4 جي وارڊ نمبر 1 کان عبدالرحمٰن، يوسي نمبر 5 جي وارڊ نمبر 3 کان سيد يعقوب علي شاھ، وارڊ نمبر 4 کان شفيق الرحمٰن،يونين ڪائونسل نمبر 9 جي وارڊ نمبر 2 کان عبدالرشيد ٻڻڌاڻي، يونين ڪائونسل 12 جي وارڊ نمبر 1 کان منظور احمد، وارڊ نمبر 4 کان خرم ڪمبوھ، يونين ڪائونسل نمبر 13 جي وارڊ نمبر 3 کان نصير احمد، وارڊ نمبر 4 کان محمد افتخار، يونين ڪائونسل نمبر 14 شاھ لطيف جي وارڊ نمبر 1 کان رئيس احمد عباسي، وارڊ نمبر 2 کان محمد حنيف، يونين ڪائونسل نمبر 15 پراڻي سکر جي وارڊ نمبر 2 کان رشيد احمد، يونين ڪائونسل نمبر 16 جي وارڊ نمبر 4 کان نصرت حسين زيدي ۽ يونين ڪائونسل نمبر 17 نيو پنڊ جي وارڊ نمبر 3 کان لياقت علي خان شامل آهن. ان کان علاوه گهوٽڪي ضلعي جي تعلقي رونگتي کان به ايم ڪيو ايم جو هڪ جنرل ڪائونسل محمد اشرف ڪامياب ٿيو آهي. اهڙي طرح هن مهل تائين ملندڙ غير سرڪاري نتيجن جي مطابق سنڌ جي پهرين مرحلي ۾ ايم ڪيو ايم جا 26 اميدوار ڪامياب ٿيا آهن. جن ۾ 4 يوسي چيئرمين، 4 وائيس چيئرمين ۽ 18جنرل ڪائونسلر شامل آهن.

*****