ڪراچي جي علائقي لانڍي ۾ ايم ڪيو ايم جي طرفان جلسي جو انعقاد .

ڪراچي: 30 آڪٽوبر 2015 

                    ايم ڪيو ايم رابطا ڪميٽي جي ميمبر عبدالحسيب چيو آهي ته تاريخ گواھ آهي ته لانڍي ۽ ڪورنگي جي عوام تي ماضي جي اليڪشنن ۾ به اسٽيبلشمينٽ  جي سرپرستي ۾ عوامي حمايت کان محروم غنڊن عناصرن کي مسلط ڪرڻ جون ڪوششون ڪيون ويون هيون ۽ لانڍي ۽ ڪورنگي جي ما ڻهن تي حياتي تنگ ڪئي وئي هئي. پر انهن پنهنجي قائد جناب الطاف حسين جو ساٿ نه ڇڏيو هو. انهن خيالن جو اظهار انهن لانڍي نمبر 6 ۾ مڪاني اليڪشن جي سلسلي ۾ هڪ وڏي جلسي کي خطاب ڪندي ڪيو. جنهن ۾ ڪورنگي جي عوام به وڏي تعداد ۾ شرڪت ڪئي. ان موقعي تي رابطا ڪميٽي ميمبر امين الحق، سي اي سي انچارج وسيم اختر، شعبه خواتين جي انچارج ڪشور زهرٰي ۽ ٻيا به  موجود هئا. جلسي ۾ ڪارڪنن وڏي تعداد ۾ شرڪت ڪئي. عبدالحسيب چيو ته اڄ جي جلسي ۾ هزارين ماڻهن شرڪت ڪري ثابت ڪري ڇڏيو آهي ته لانڍي ۽ ڪورنگي کان نامزد حق پرست اميدوارن جي ڪاميابي يقيني آهي ۽ ڪوئي به زهريلو پروفيگنڊو حق پرستن جي ڪاميابي کي روڪي نه ٿو سگهي. ان موقعي تي خطاب ڪندي رابطا ڪميٽي ميمبر امين الحق چيو ته لانڍي ۽ ڪورنگي جي عوام قائد تحريڪ جناب الطاف حسين جي نامزد ڪيل اميدوارن کي گذريل ٽن ڏهاڪن کان وڏي اڪثريت سان ڪامياب ڪرائيندا آيا آهن. جيڪو ان ڳالھھ جو ثبوت آهي ته لانڍي ۽ ڪورنگي ايم ڪيو ايم جو ڳڙھ آهي. انهن چيو ته ايم ڪيو ايم جي پرواز کي روڪڻ جي لاءِ سکر ۽ لاڙڪاڻي ۾ سنڌ حڪومت جيڪي غير جمهوري هٿڪنڊا ستعمال ڪيا آهن. ان مان ثابت ٿئي ٿو ته پي پي جي سنڌ حڪومت پنهنجي مقبوليت وڃائي چڪي آهي. ان موقعي تي جلسي کي خطاب ڪندي سي اي سي انچارج وسيم اختر خطاب ڪندي چيو ته تمام تر ڏکيائين جي باوجود حيدرآباد جي مڪاني اليڪشن ۾ حق پرست اميدوارن وڏي تعداد ۾ ڪاميابي حاصل ڪئي آهي ۽ ڪراچي ۾ به ان جي ڪاميابي کي روڪڻ ڪنهن به طرح ممڪن نه آهي. ان کان علاوه جلسي کي شعبه خواتين جي انچارج ڪشور زهرٰي، سي اي سي ميمبر محترمه ليلٰي پروين، حق پرست قومي اسيمبلي ميمبر ساجد احمد، سنڌ اسيمبلي ميمبرن خالد افتخار، وقار شاھ ۽ عامر معين به خطاب ڪيو.

*****