جناب الطاف حسين غريب ۽ وچولي طبقي جي عوام کي اسيمبلين ۾ موڪلي ڪري ثابت ڪري ڇڏيو آهي ته ايندڙ وقت ۾ ملڪ تي غريب ۽ وچولي طبقي جي حڪمراني قائم ٿيندي.رابطا ڪميٽي ميمبر محترمه زرين مجيد.
سکر: 29 آڪٽوبر 2015
متحده قومي موومينٽ جي رابطا ڪميٽي ميمبر محترمه زرين مجيد چيو آهي سکر ۾ انشاء الله تعالٰي فتح حق پرستن جي ئي ٿيندي ۽ قائد تحريڪ جناب الطاف حسين ملڪ جا واحد ليڊر آهن جن پنهنجي سڄي زندگي غريب عوام جي حقن جي لاءِ وقف ڪري ڇڏي آهي. انهن خيالن جو اظهار انهن مڪاني اليڪشن جي سلسلي ۾ سکر ۾ ڪارنر ميٽنگ کي خطاب ڪندي ڪيو. انهن چيو ته قائد تحريڪ جناب الطاف حسين جي شخصيت سمورن سياستدانن جي لاءِ هڪ مشعل راھ آهي ۽ ايم ڪيو ايم جا سمورا ڪارڪن ۽ ڀينرون تحريڪ جي نظريي کي عام ڪن ۽ عوام سان ملي ڪري مفاد پرستن جي سازشن کي ناڪام بڻائي ڇڏين ۽ پاڻ ۾ نظرياتي رشتي کي به مضبوط ڪن. انهن وڌيڪ چيو ته منهنجيون ڀينرون پنهنجين نياڻين کي تعليم جي زيور سان مالامال ڪن ته جيئن اهي ملڪ ۽ قوم جي خدمت ڪري سگهن. ڪارنر ميٽنگ کي سنڌ تنظيمي ڪميٽي جي ميمبرياڻين باجي رعنا انصار، باجي عشرت، ڊاڪٽر فوزيه ۽ سکر جي شعبه خواتين جي انچارج ساجده بختيار به خطاب ڪيو.
*****