گلستان جوهر جي جهڳين ۾ باھ لڳڻ جي واقعي ۾ 4 ماڻهن جي سڙي ڪري فوت ٿيڻ جي واقعي تي ايم ڪيو ايم جي رابطا ڪميٽي جي طرفان افسوس جو اظهار.
ڪراچي: 29 آڪٽوبر 2015
متحده قومي موومينٽ جي رابطا ڪميٽي گلستان جوهر بلاڪ نمبر 2 جي جهڳين ۾ باھ لڳڻ جي واقعي ۾ 4 ماڻهن جي سڙي ڪري فوت ٿيڻ جي واقعي تي وڏي افسوس جو اظهار ڪيو آهي. پنهنجي هڪ بيان ۾ رابطا ڪميٽي چيو ته گلستان جوهر ۾ 2 هفتا اڳ به مٽي جي ڇپ ڪرڻ جي نتيجي ۾ ڪجھھ ماڻهو هلاڪ ٿي ويا هئا ۽ هاڻي باھ لڳڻ جي واقعي ۾ قيمتي انساني جانين جو ضايع ٿيڻ وڏي افسوسناڪ ڳالھھ آهي. رابطا ڪميٽي چيو ته سنڌ حڪومت باھ لڳڻ جي واقعن جي روڪٿام جي لاءِ مثبت قدم کڻي ۽ انساني جانين جي تحفظ جي لاءِ ٺوس منصوبه بندي به ڪري. رابطا ڪميٽي ان واقعي ۾ فوت ٿيندڙ ماڻهن جي پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ دعا ڪئي ته الله تعالٰي فوت ٿيندڙن کي پنهنجي جوار رحمت ۾ اعلٰي مقام عطا فرمائي. آمين. ان کان علاوه رابطا ڪميٽي دعا ڪئي ته الله تعالٰي زخمين کي جلد و مڪمل صحتيابي به عطا فرمائ