ايم ڪيو ايم هڪ اعتدال پسند جماعت آهي جيڪا پهرين ئي ڏينهن کان مذهبي جنونيت ۽ دهشت گردي جي خلاف آهي. ايم ڪيو ايم رابطا ڪميٽي جا ميمبر شبير احمد قائم خاني ۽ اقبال مقدم
جيڪب آباد ۾ ايم ڪيو ايم جي شهيد ڪارڪنن جي تڏي تي وڃي ڪري تعزيت ۽ شيعا عالمن سڳورن سان ملاقات
جيڪب آباد: 28 آڪٽوبر 2015
متحده قومي موومينٽ جي رابطا ڪميٽي جي ميمبرن شبير احمد قائم خاني ۽ اقبال مقدم چيو آهي ته ايم ڪيو ايم اعتدال پسند جماعت آهي جيڪا پهرين ئي ڏينهن کان مذهبي جنونيت ۽ دهشت گردي جي خلاف آهي ۽ ملڪ جي سمورن طبقن ۾ هم آهنگي ۽ محبت جي فضا قائم ڪرڻ چاهي ٿي. انهن خيالن جو اظهار انهن جيڪب آباد ۾ منعقد ٿيندڙ هڪ تعزيتي اجلاس ۾ ميڊيا سان ڳالھھ ٻولھھ ڪندي ڪيو. ان کان اڳ رابطا ڪميٽي وفد سميت جيڪب آباد واقعي ۾ شهيد ٿيندڙ ايم ڪيو ايم جي ڪارڪنن علي رضا، سڪندر علي، اصغر علي ۽ نياز جاکراڻي جي تڏي تي وڃي ڪري انهن جي پونئرن سان قائد تحريڪ جناب الطاف حسين جي طرفان دلي تعزيت ۽ همدردي جو اظهار ڪيو ۽ شهيدن جي مغفرت جي لاءِ دعا به ڪئي. ان کان پوءِ رابطا ڪميٽي مسجد علي ۾ قائم سيڪريٽريٽ ۾ جعفريه الائنس ۽ تنظيم وحدت المسلمين جي ضلعي صدر بندي علي جعفري سان ملاقات ڪئي ۽ سانحه جيڪب آباد تي دلي تعزيت ۽ همدردي جو اظهار به ڪيو . ان موقعي تي انهن شهيدن جي بلند درجات جي لاءِ دعا ڪئي ۽ زخمين جي جلد و مڪمل صحتيابي جي لاءِ دعا به ڪئي. ان کان پوءِ ايم ڪيو ايم رابطا ڪميٽي وفد سميت جيڪب آباد جي اين جي او جي طرفان سانحه جيڪب آباد جي ياد ۾ منعقد ڪيل هڪ تعزيتي ميڙاڪي ۾ به شرڪت ڪئي. ان کان پوءِ انهن سانحه جيڪب آباد جي خلاف عوامي احتجاج ۾ پوليس جي فائرنگ سان هلاڪ ٿيندڙ واپڊا جي ملازم جي تڏي تي وڃي ڪري تعزيت به ڪئي.
