ڊينسو هال جي مدينه ميڊيڪل مارڪيٽ ۾ 24 دڪانن جا قلف ڪٽي ڪري لکين روپين جو ڌاڙو هڻڻ جي واردات تي سنڌ رينجر ۽ ڊي جي رينجر بلال اڪبر کي ايم ڪيو ايم جي قائد جناب الطاف حسين جي طرفان زبردست خراج تحسين پيش.

لنڊن: 26 آڪٽوبر 2015 

                  متحده قومي موومينٽ جي قائد جناب الطاف حسين ڪراچي ۾ ڊينسو هال جي مدينه ميڊيڪل مارڪيٽ ۾ 24 دڪانن جا قلف ڪٽي ڪري لکين روپين جو ڌاڙو هڻڻ جي واقعي کي تاريخي واقعو قرار ڏيندي سنڌ رينجر ۽ ڊي جي رينجر بلال اڪبر کي ان شاندار ۽ تاريخي واردات تي زبردست خراج تحسين پيش ڪيو آهي.پنهنجي هڪ بيان ۾ انهن فرمايو ته ڪراچي ۾ رينجر جي طرفان دهشت گردن ۽ ڏوهاري ماڻهن جي خلاف آپريشن جاري آهي. جنهن جي ڪاميابي جا وڏا دعوٰي ڪيا پيا وڃن پر شهر جي مرڪزي ڪاروباري علائقي ۾ 24 دڪانن کي لٽڻ جي ان وڏي واردات سان ڪراچي آپريشن جي ڪاميابي جي دعوٰئن جي ڪلي کلي وئي آهي. بيشڪ الله تعالٰي وٽ دير آهي پر انڌير نه آهي. جناب الطاف حسين مطالبو ڪيو ته 24 دڪانن کي لٽڻ جي ان وڏي وارادت جي شاندار ڪاميابي تي رينجر کي ڦڙتي ۽ هوشياري ڏيکارڻ تي جيترو به خراج تحسين پيش ڪيو وڃي اهو گهٽ آهي ۽ ان تي رينجر کي انعامن سان نوازيو وڃي. انهن فرمايو ته جيتوڻيڪ نشان حيدر جنگ ۾ جرت ۽ بهادري جا ڪارناما انجام ڏيندي شهيد ٿيندڙ فوجين جي لاءِ مخصوص آهي پر ڊي جي رينجر بلال اڪبر جن ان واقعي تي اهڙي غفلت جو مظاهرو ڪيو آهي جو اهي ڄاڳندي به سمهيل رهيا انهن کي به شهيد سمجهندي.جيڪڏهن نشان حيدر جي انعام سان نوازيو وڃي ته اجايو نه ٿيندو. جناب الطاف حسين ان واردات تي مدينه ميڊيڪل مارڪيٽ جي متاثره دڪاندارن سان دلي همدردي جو اظهار به ڪيو. 

*****