بار بار عوامي اعتماد جي باوجود ايم ڪيو ايم جي عوامي مينڊيٽ کي تسليم نه ٿو ڪيو وڃي. رابطا ڪميٽي ميمبر اقبال مقدم

ڪراچي: 21 آڪٽوبر 2015 

مڪاني اليڪشن جي سلسلي ۾ ايم ڪيو ايم جي زير اهتمام ڪارنر ميٽنگن جو سلسلو جاري آهي. ان سلسلي ۾ لياقت آباد ايف سي ايريا ۾ هڪ وڏي ڪارنر ميٽنگ جو انعقاد ڪيو ويو. جنهن ۾ ايم ڪيو ايم رابطا ڪميٽي جي ميمبرن اقبال مقدم، ريحانه يوسفزئي سي اي سي انچارج وسيم اختر، احمد سليم صديقي ۽ ٻين کان علاوه عوام وڏي تعداد ۾ شرڪت ڪئي. ان موقعي تي خطاب ڪندي اقبال مقدم چيو ته ايم ڪيو ايم ماضي جي سمورن  اليڪشنن ۾ عوام جي ڀرپور حمايت سان ڪاميابيون حاصل ڪيون آهن. پر افسوسناڪ ڳالھھ اها آهي ته بار بار عوامي اعتماد جي باوجود ايم ڪيو ايم جي مينڊيٽ کي تسليم نه ٿو ڪيو وڃي ۽ اڄ به ان جي مينڊيٽ کي پيرن هيٺان لتاڙيو پيو وڃي. انهن چيو ته ايم ڪيو ايم تي جڏهن جڏهن ظلمن جو سلسلو تيز ٿيو ته تڏهن ئي ايم ڪيو ايم جي مقبوليت ۾ به اضافو ٿيو آهي ۽ تاريخ ان ڳالھھ جي گواھ آهي ته ايم ڪيو ايم ملڪ جي سڀني کان وڏي جمهوريت پسند ۽ امن پسند جماعت آهي ۽ سمورن قومن، مسلڪن ۽ مذهبن جي وچ ۾ هم آهنگي ۽ ملڪ کان فرسوده جاگيرداراڻه ۽ وڏيراڻه نظام جو خاتمو چاهي ٿي. ان موقعي تي خطاب ڪندي وسيم اختر چيو ته ڪراچي ۾ ٿيندڙ مڪاني اليڪشن ۾ ايم ڪيو ايم جو ميدان ڇني ڪري نام نهاد سياسي جماعتن کي ڏيڻ جي مڪروھ سازش ڪئي پئي وڃي ۽ ان جي لاءِ غير قانوني تڪ بنديون ، ٽرانفسر پوسٽنگ جا هٿڪنڊا استعمال ڪيا پيا وڃن. ان موقعي تي ٻين به خطاب ڪيو.