ايم ڪيو ايم سرجاني سيڪٽر جي جوائنٽ سيڪٽر انچارج محمد شاڪر خان سميت ايم ڪيو ايم جي ٻين ڪارڪنن جي گرفتارين تي رابطا ڪميٽي جي طرفان مذمت جو اظهار

ڪراچي: 20 آڪٽوبر 2015 

 متحده قومي موومينٽ جي رابطا ڪميٽي ايم ڪيو ايم سرجاني سيڪٽر جي جوائنٽ سيڪٽر انچارج محمد شاڪر خان سميت ٻين ڪارڪنن جي گرفتاري جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ رابطا ڪميٽي چيو ته رينجر ۽ ٻين قانون نافذ ڪرڻ وارن ادارن جي اهلڪارن سرجاني سيڪٽر جي جوائنٽ سيڪٽر انچارج محمد شاڪر خان، رنڇوڙ لائين سيڪٽر يوسي 5 جي ڪارڪن ياسر، اورنگي سيڪٽر يونٽ 118 بي جي ڪارڪنن غلام شبير ۽ عدنان کي رينجر ۽ پوليس وارن گرفتار ڪري انهن کي اڻ ڄاتل هنڌ تي منتقل ڪري ڇڏيو آهي. رابطا ڪميٽي چيو ته ايم ڪيو ايم جي ذميوارن ۽ ڪارڪنن جي گرفتارين جو سلسلو ڏينهون ڏينهن وڌنڌو پيو  وڃي جنهن جي جيتري به مذمت ڪئي وڃي اها گهٽ آهي.رابطا ڪميٽي وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ ۽ صوبائي وزير داخلا انور سيال کان مطالبو ڪيو آهي ته اهي ايم ڪيو ايم جي بي گناھ ڪارڪنن جي گرفتارين کي فوري طور تي روڪرائين ۽ گرفتار ٿيل ڪارڪنن کي آزاد ڪرائين.