قانون نافذ ڪرڻ وارن ادارن جي طرفان ايم ڪيو ايم جي بي گناھ ڪارڪنن جي گرفتاري جو سلسلو جاري آهي

ڪراچي: 18 آڪٽوبر 2015 

متحده قومي موومينٽ جي رابطا ڪميٽي ڪراچي جي مختلف علائقن مان رينجر ۽ ساده لباس ۾ ملبوس اهلڪارن جي طرفان ايم ڪيو ايم جي 7 بي گناھ ذميوارن ۽ ڪارڪنن جي گرفتارين جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ رابطا ڪميٽي چيو ته ڪورنگي يونٽ 69 جي ڪارڪن يوسف، پي آئي بي يونٽ 49 جي ڪارڪن سراج حسن صديقي ۽ نارٿ ناظم آباد يونٽ 173 جي ڪارڪن طارق مرتضٰي کي ساده لباس ۾ ملبوس اهلڪارن گرفتار ڪري ورتو آهي. جڏهن ته شاھ فيصل ڪالوني يونٽ –B  103 جي ذميوار سرفراز شيخ، پي آئي بي يونٽ  57  جي ڪميٽي ميمبر محمد سرور، لياري سيڪٽر يونٽ 29 جي ڪارڪن عدنان ۽ شاھ فيصل يونٽ 107 جي  ڪارڪن رشيد راجپوت کي رينجر وارن گرفتار ڪري ورتو. رابطا ڪميٽي چيو ته ايم ڪيو ايم جي گرفتار ٿيل ذميوارن ۽ ڪارڪنن جي زندگين کي سخت خطرا لاحق آهن ۽ انهن جا گهر وارا به سخت پريشان آهن. رابطا ڪميٽي وزير اعظم ميان نواز شريف، وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي ايم ڪيو ايم جي ڪارڪنن جي گرفتارين جو سختي سان نوٽس وٺن، ڇاپن جو سلسلو بند ڪرائين ۽ گرفتار ٿيل ڪارڪنن کي فوري طور تي آزاد ڪرائين.