مڪاني اليڪشن جي سلسلي ۾ ايم ڪيو ايم جي زير اهتمام ڪارنر ميٽنگ جو انعقاد
بغير ڪنهن فرق جي عوام جي خدمت ڪرڻ ايم ڪيو ايم جو نصب العين آهي. وسيم اختر
لائينز ايريا ۾ خطاب
ڪراچي: 17 آڪٽوبر 2015
مڪاني اليڪشن جي سلسلي ۾ ايم ڪيو ايم جي زير اهتمام ڪارنر ميٽنگن جو سلسلو شروع ٿي ويو آهي ۽ انهن ميٽنگن ۾ جناب الطاف حسين جي نامزد ڪيل اميدوارن کي متعارف ڪرايو پيو وڃي. ان سلسلي ۾ لائينز ايريا سيڪٽر ۾ هڪ وڏي ڪارنر ميٽنگ جو انعقاد ٿيو. جنهن کي سي اي سي انچارج وسيم اختر خطاب ڪندي چيو ته بغير ڪنهن فرق جي عوام جي خدمت ڪرڻ ايم ڪيو ايم جو نصب العين آهي ۽ ايم ڪيو ايم سياست برائي خدمت تي يقين رکي ٿي ۽ اهو ئي سبب آهي ته ايم ڪيو ايم جو ماضي صوبي ۽ ملڪ جي لاءِ ڪيل ترقياتي ڪمن سان ڀريل آهي. انهن حق پرست عوام کي اپيل ڪئي ته اهي ماضي وانگر هن ڀيري به جناب الطاف حسين جي نامزد ڪيل اميدوارن کي ووٽ ڏيئي ڪري ڪامياب بڻائين. انهن چيو ته ماضي ۾ به ايم ڪيو ايم کي سازشن جو سامنو هو ۽ اڄ به اهو سلسلو جاري آهي ۽ اهو سڀ ڪجھھ هڪ سوچيل سمجهيل سازش جي تحت ئي ٿي رهيو آهي ته جيئن ايم ڪيو ايم کي اليڪشن کان پري رکي سگهجي. ان موقعي تي احمد سليم صديقي، علي رضا عابدي، ارشد وهرٰي ۽ ٻين به خطاب ڪيو.