مڪاني اليڪشن جي سلسلي ۾ ايم ڪيو ايم جي زير اهتمام اورنگي ٽائون ۾ هڪ وڏي ڪارنر ميٽنگ جو انعقاد ٿيو

ڪراچي: 16 آڪٽوبر 2015 

مڪاني اليڪشن جي سلسلي ۾ ايم ڪيو ايم جي زير اهتمام اورنگي ٽائون ۾ هڪ وڏي ڪارنر ميٽنگ جو انعقاد ٿيو.جنهن ۾ اورنگي ٽائون جي مڪاني اميدوارن جو  تعارف ڪرايو ويو. ان موقعي تي ڪارنر ميٽنگ کي خطاب ڪندي رابطا ڪميٽي ميمبر محمد حسين چيو ته ايم ڪيو ايم مڪاني اليڪشن ۾ عوام جي تعاون سان ڀرپور ڪاميابي حاصل ڪندي ۽ مڪاني اليڪشن جا نتيجا ايم ڪيو ايم جي خلاف ڪئي ويندڙ ڪوڙن پروفيگنڊن جو جواب هوندا. انهن چيو ته ڪراچي جا عوام جناب الطاف حسين جي قيادت ۾ متحد ۽ منظم آهن ۽ ماضي وانگر هن ڀيري به ايم ڪيو ايم جي اميدوارن کي وڏي اڪثريت سان ڪامياب ڪرائيندا. ان موقعي تي وسيم اختر خطاب ڪندي چيو ته ايم ڪيو ايم جي جدوجهد ملڪ کان فرسوده جاگيرداراڻه، وڏيراڻه ۽ سرداراڻه نظام جي خاتمي جي لاءِ آهي. ان ظالمانه نظام جا حامي نام نهاد سياسي ۽ مذهبي جماعتن جا رهنما پهرين ئي ڏينهن کان مڪاني اليڪشن جي راھ ۾ رڪاوٽون بيهاريندا پيا اچن ۽ اهي نه ٿا چاهين ته اختيار ۽ وسيلن جي طاقت هيٺين سطح تي غريبن جي نمائندن کي منتقل ٿئي. ڪارنر ميٽنگن کي ٻين به خطاب ڪيو.