بهادر آباد ۾ هٿياربند دهشت گردن جي فائرنگ سان پوليس جي اهلڪارن جي شهادت جو واقعو مذمت جوڳو عمل آهي. ايم ڪيو ايم رابطا ڪميٽي.
ڪراچي: 9 آڪٽوبر 2015
متحده قومي موومينٽ جي رابطا ڪميٽي ڪراچي جي علائقي بهادر آباد ۾ دهشت گردن جي فائرنگ سان ٻن پوليس اهلڪارن جي شهادت جي واقعي جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته ان کان اڳ به پوليس جي اهلڪارن کي نشانو بڻائڻ جا ڪيترائي واقعا ٿي چڪا آهن پر هن مهل تائين ڪنهن به دهشت گرد کي گرفتار نه ڪيو ويو آهي. رابطا ڪميٽي چيو ته وقت اچي ويو آهي ته ڪراچي ۾ جاري ٽارگيٽڊ آپريشن جي سمت کي درست ڪيو وڃي ۽ سياسي بنيادن تي ڪاروائي ڪرڻ جي بجاءِ انهن اصل دهشت گردن جي خلاف ڪاروائي ڪئي وڃي جيڪي پوليس وارن کي نشانو بڻائي رهيا آهن ۽ وڏي آزادي سان گهمي رهيا آهن. رابطا ڪميٽي پوليس جي اهلڪارن جي شهادت تي پوليس جي آفيسرن ۽ جوانن سان دلي همدردي جو اظهار به ڪيو. ان کان علاوه رابطا ڪميٽي شهيد پوليس اهلڪارن جي پونئرن سان دلي تعزيت ۽ همدردي جو اظهار ڪندي انهن جي مغفرت جي لاءِ دعا به ڪئي.
*****