ڪي اليڪٽرڪ نيپرا جي ڪنزيومر سروس مينيويل جي کليل خلاف ورزي ڪري رهي آهي.ايم ڪيو ايم رابطا ڪميٽي.
ڪراچي: 9 آڪٽوبر 2015
متحده قومي موومينٽ جي رابطا ڪميٽي ڪراچي ۾ بجلي جي خراب ٿيندڙ صورتحال جي سخت مذمت ڪئي آهي ۽ مطالبو ڪيو آهي ته ڪي اليڪٽرڪ جي معاملن جو جائزو وٺڻ جي لاءِ وفاقي سطح تي هڪ ڪميٽي بڻائي وڃي جيڪا پارليامينٽ کي پنهنجي رپورٽ پيش ڪري. پنهنجي هڪ بيان ۾ رابطا ڪميٽي چيو ته ڪي اليڪٽرڪ پرائيويٽ ٿيڻ کان پوءِ پنهنجو سمورو ڌيان صرف ۽ صرف صارفين کان جعلي بلن جي ذريعي وصولين تي مرڪوز ڪري ڇڏيو آهي ۽ بجلي جي ترسيل جي نظام جي بهتري ۽ لوڊشيڊنگ ۾ ڪمي جي لاءِ به ڪي ضروري قدم نه کڻي رهي آهي. رابطا ڪميٽي چيو ته ڪي اليڪٽرڪ نيپرا جي ڪنزيومر سروس مينوئل جي کليل خلاف ورزي ڪري رهي آهي. ڪي اليڪٽرڪ جهڙي طرح تمام تر قانوني تقاضن کي هڪ پاسي رکي ڪري صارفين کان زبردستي پيسا وصول ڪري رهي آهي اهو ڀتو وصول ڪرڻ جي برابر آهي. رابطا ڪميٽي چيو ته ٻن ڪروڙن کان وڌيڪ آبادي واري شهر کي ڪي اليڪٽرڪ جي رحم و ڪرم تي ڇڏي نه ٿو سگهجي. شهرين کي رليف فراهم ڪرڻ جي لاءِ ضروري آهي ته ڪي اليڪٽرڪ کي غير قانوني ۽ جعلي بلن جي وصولين کان روڪيو وڃي ۽ جعلي بل بڻائڻ وارن آفيسرن جي خلاف قانون جي مطابق ڪاروائي ڪئي وڃي.
*****