نارٿ ناظم آباد، شاھ فيصل ڪالوني ۽ ڪورنگي کان ايم ڪيو ايم جي وڌيڪ 9 ڪارڪنن ۽ ذميوارن کي بي ڏوهي گرفتار ڪيو ويو آهي. ايم ڪيو ايم.
ڪراچي: 10 آڪٽوبر 2015
ڪراچي ۾ ايم ڪيو ايم جي خلاف جاري آپريشن جي سلسلي ۾ رينجر ۽ پوليس ڪراچي جي علائقن نارٿ ناظم آباد، شاھ فيصل ڪالوني ۽ ڪورنگي کان ايم ڪيو ايم جي وڌيڪ 9 ڪارڪنن ۽ ذميوارن کي بي ڏوهي گرفتار ڪري ورتو آهي.تفصيلات جي مطابق ڇنڇر جي صبح سادل لباس ۾ ملبوس سرڪاري اهلڪارن ڪراچي جي مختلف علائقن ۾ ايم ڪيو ايم جي ڪارڪنن جي گهرن تي ڇاپا هنيا. سرڪاري اهلڪارن نارٿ ناظم آباد يونٽ 143 بي جي يونٽ انچارج عرفان نواب ۽ انهي يونٽ جي ڪارڪنن قربان، محمد فهيم، عادل سنجراڻي ۽ ماني، شاھ فيصل سيڪٽر يونٽ 103 جي ڪارڪنن تصور ۽ فيصل ۽ يونٽ 109 جي ڪارڪن ياسين ۽ ڪورنگي سيڪٽر يونٽ 70 جي ڪارڪن اشفاق کي انهن جي گهرن تان گرفتار ڪري ورتو. واضع رهي ته رينجر جمعي تي به شاھ فيصل ڪالوني، اورنگي ٽائون ۽ ماڙي پور ۾ ڇاپا هڻي ڪري ايم ڪيو ايم جي 6 ڪارڪنن ۽ ذميوارن کي گرفتار ڪري ورتو هو. اهڙي طرح 24 ڪلاڪن جي اندر ڪراچي جي مختلف علائقن مان ايم ڪيو ايم جي 15 ذميوارن ۽ ڪارڪنن کي گرفتار ڪيو ويو آهي. جن کي هن مهل تائين ڪنهن به ڪورٽ ۾ پيش نه ڪيو ويو آهي.
*****