8 آڪٽوبر جي زلزلي جي شهيدن جي ڏهين ورسي جي موقعي تي ايم ڪيو ايم جي زير اهتمام زلزلي جي متاثره علائقن جي تعمير نو ۾ ناڪامي ۽ 50 سيڪڙو منصوبا اڌورا رهجي وڃڻ جي خلاف مظفر آباد ۾ سينٽرل پريس ڪلب جي ٻاهران زبردست احتجاجي مظاهرو ڪيو ويو.
ڏهن سالن کان پوءِ به 50 سيڪڙو منصوبا اڌورا رهجي وڃڻ حڪمرانن جي منھ تي چماٽ آهي. طاهر کوکر.
مظفر آباد: 8 آڪٽوبر 2015
8 آڪٽوبر 2005 جي زلزلي جي شهيدن جي ڏهين ورسي جي موقعي تي ايم ڪيو ايم جي زير اهتمام زلزلي متاثره علائقن جي تعمير نو ۾ ناڪامي ۽ 50 سيڪڙو منصوبا اڌورا رهجڻ جي خلاف مظفر آباد ۾ سينٽرل پريس ڪلب جي ٻاهران زبردست احتجاجي مظاهرو ڪيو ويو. ان موقعي تي آزاد ڪشمير اسيمبلي ۾ ايم ڪيو ايم جي پارليماني ليڊر طاهر کوکر مظاهرين کي خطاب ڪندي چيو ته حڪومت عوام کي ٻڌائي ته ان زلزلي متاثرن جي لاءِ ڇا ڪيو، ڏهن سالن کان پوءِ به 50 سيڪڙو منصوبا اڌورا رهجڻ حڪمرانن جي منھ تي چماٽ آهي. جيڪڏهن زلزلي متاثرن جا لٽيل ۽ ڪرپشن جي نذر ٿيل اربين روپيا وصول نه ڪيا ويا ته عوام پوري رياست ۾ احتجاج ڪندو. انهن چيو ته زلزلي متاثرن جي بحالي جي لاءِ اربين روپين جا فنڊ آزاد ڪشمير کي مليا جيڪي حڪمرانن جي عياشين ۾ لڳي ويا. انهن چيو ته جيڪڏهن حڪومت پنهنجن دعوٰئن ۾ سنجيده آهي ته وزير اعظم فوري طور تي انڪوائري ڪرائي ته پنجن سالن ۾ اسڪولن ۽ صحت جي طبي مرڪزن جي تعمير ڇو نه ڪئي وئي. ان موقعي تي ٻين رهنمائن به خطاب ڪيو.
*****