ايم ڪيو ايم جي رابطا ڪميٽي جي ميمبر ڪمال ملڪ جي گرفتاري وڏو ظلم آهي. ايم ڪيو ايم رابطا ڪميٽي.
ڪراچي: 8 آڪٽوبر 2015
متحده قومي موومينٽ جي رابطا ڪميٽي رينجر جي طرفان رابطا ڪميٽي جي ميمبر ڪمال ملڪ جي گرفتاري جي سخت ترين لفظن ۾ مذمت ڪئي آهي ۽ ان گرفتاري کي وڏو ظلم قرار ڏنو آهي. رابطا ڪميٽي چيو ته ڪمال ملڪ گلبرگ ٽائون جا ناظم به رهي چڪا آهن، رينجر وارا انهن جي گرفتاري کان لاعلمي جو اظهار ڪري رهيا آهن جنهن سان انهن جي زندگي کي سخت خطرو لاحق آهي.رابطا ڪميٽي چيو ته ڪمال ملڪ جگر جي بيماري ۾ مبتلا آهن ۽ بيمار شخص کي بغير ڪنهن جواز جي گرفتار ڪرڻ وڏو ظلم ۽ زيادتي آهي. رابطا ڪميٽي مطالبو ڪيو ته ڪمال ملڪ کي فوري طور تي رها ڪيو وڃي. ان کان علاوه رابطا ڪميٽي انساني حقن جي تنظيمن کي به اپيل ڪئي ته اهي به ايم ڪيو ايم جي رهنمائن ۽ ڪارڪنن جي بغير ڪنهن جواز جي گرفتارين ۽ انهن تي تشدد ڪرڻ جو نوٽس وٺن ۽ ان ظلم جي خلاف آواز بلند ڪن.
*****