ايم ڪيو ايم جي بي گناھ ڪارڪنن کي گرفتار ڪري اسان جي پرامن سياسي جدوجهد تي پابندي عائد ڪئي پئي وڃي.ايم ڪيو ايم رابطا ڪميٽي.

ڪراچي: 6 آڪٽوبر 2015 

              ايم ڪيو ايم جي رابطا ڪميٽي ڪراچي جي مختلف علائقن مان ايم ڪيو ايم جي بي گناھ ڪارڪنن جي رينجر ۽ ساده لباس ۾ ملبوس اهلڪارن جي طرفان گرفتارين جي سخت ترين لفظن ۾ مذمت ڪئي آهي ۽ ان کي رياستي ظلم ۽ ڏاڍ جو تسلسل قرار ڏنو آهي. پنهنجي هڪ مذمتي بيان ۾  رابطا ڪميٽي چيو ته رات شاھ فيصل سيڪٽر يونٽ 109 جي ڪارڪن عامر مصطفٰي، 108 جي ڪارڪن آصف 105 جي ڪارڪن عمران، سابق حق پرست ڪائونسلر ۽ يونٽ 105 جي ئي ڪارڪن اظفر، يونٽ 107 جي جوائنٽ انچارج نديم رائو، لائينز ايريا سيڪٽر 197 جي ڪارڪن محمد يعقوب، ڪورنگي يونٽ 71 جي ڪارڪن محمد عامر خان ۽ ملير سيڪٽر يونٽ 97 جي ڪارڪن نويد احمد کي گرفتار ڪري انهن کي اڻ ڄاتل هنڌ تي منتقل ڪري ڇڏيو آهي. رابطا ڪميٽي چيو ته ايم ڪيو ايم جي خلاف آپريشن ان هنڌ تي پهچي چڪو آهي جو ڇاپي جي وقت جيڪڏهن ڪارڪن َ گهرن تي نه ٿا ملن ته انهن جي گهر وارن کي ۽ عورتن کي خوف زده  ڪيو وڃي ٿو ۽ رات به ائين ئي ٿيو جو شاھ فيصل سيڪٽر يونٽ 105 جي ڪارڪن  صارف جي گهر تي ڇاپو هنيو ويو ۽ انهن جي گهر تي موجود نه هجڻ تي رينجر وارا انهن جي نوجوان پٽ کي گرفتار ڪري پاڻ سان گڏ وٺي ويا. رابطا ڪميٽي وزير اعظم ميان نواز شريف، آرمي چيف جنرل راحيل شريف ۽ وزير داخلا چوڌري نثار علي خان ۽ ٻين اعلٰي عملدارن کان مطالبو ڪيو ته اهي ڪراچي ۾ ايم ڪيو ايم جي ڪارڪنن جي لڳاتار گرفتارين جو سلسلو فوري طور تي بند ڪرائين ۽ بي گناھ ڪارڪنن جي رهائي جا فوري طور تي حڪمَ جاري ڪن. 

*****