نواز شريف جي جمهوري دور ۾ محب وطن مهاجر قوم ۽ ان جي نمائنده جماعت ايم ڪيو ايم سان تعصب ۽ امتيازي سلوڪ ڪيو پيو وڃي. ايم ڪيو ايم آمريڪا جو سينٽرل آرگنائيزر جنيد فهمي.

نيويارڪ: پهرين آڪٽوبر 2015 

             ڪراچي ۾ مهاجرن ۽ ايم ڪيو ايم جي ڪارڪنن جي مٿان ظلمن ۽ ناانصافين جي خلاف اقوام متحده جي آفيس جي سامهون احتجاجي مظاهرو ڪيو ويو. ان موقعي تي مظاهري کي خطاب ڪندي ايم ڪيو ايم آمريڪا جي سينٽرل آرگنائيزر جنيد فهمي چيو ته نواز شريف جي جمهوري دور ۾ محب وطن مهاجر قوم ۽ ان جي نمائنده جماعت ايم ڪيو ايم جي خلاف تعصب ۽ آمرانه سلوڪ ڪيو پيو وڃي. جيڪو پاڪستان ۾ انهن جي جمهوري حڪومت جو هڪ خوفناڪ چهرو پيش ڪري ٿو. انهن چيو ته پاڪستان ۾ مهاجرن جي خلاف ٿيندڙ لڳاتار ظلمن، ناانصافين ۽ انساني حقن جي خلاف ورزين تي انساني حقن جي ادارن جي خاموشي به سمجھ کان ٻاهر آهي ۽ اها ئي وجه آهي ته اسان پاڪستان ۾ انصاف، قانون ۽ انساني حقن جون تعريفون ڪرڻ وارن مقتدر ادارن جو دروازو ڪيترائي ڀيرا کڙڪايو پر ڪائي به شنوائي نه ٿي ۽ ان جي ڪري ئي اڄ اسان هتي اقوام متحده جي آفيس جي سامهون احتجاج ڪري رهيا آهيون. انهن چيو ته اها ڪهڙي رياست آهي جو جتي هٿ ٺوڪيل شريعت جي نالي تي بي گناھن جا ڳلا ڪٽڻ وارن، انهن جي حمايت ۽ سهولت ڪارن کي ته هر طرح جي آزادي آهي. انهن چيو ته ڪراچي پاڪستان کي 70 سيڪڙو روينيو ڏيئي ٿو.پر ان جي بدلي ۾ ڪراچي کي ڪجھ به نه ٿو ملي. مظاهري کي خطاب ڪندي جوائنٽ انچارج محمد ارشد حسين چيو ته امن و امان جي قيام جي لاءِ ٽارگيٽڊ آپريشن جي نالي تي ايم ڪيو ايم کي ڇتيو پيو وڃي ۽ قائد تحريڪ جناب الطاف حسين جي بيانن ۽ خاطبن تي پابندي عائد ڪئي وئي آهي. جنهن جي جيتري به مذمت ڪئي وڃي اها گهٽ آهي. انهن چيو ته پابندي وڌل تنظيمن جا دهشت گرد ۽ انهن جا سهولت ڪار ۽ ڏوهاري ماڻهو ته کلي عام گهنمدا پيا وتن پر انهن کي پڪڙڻ وارو ڪوئي به نه آهي. ان کان پوءِ انهن اقوام متحده ۾ حڪومت ۽ رياستي ادارن جي طرفان ڪئي ويندڙ زيادتين ۽ ظلمن جي خلاف شاهدين سان گڏ هڪ پٽيشن به جمع ڪرائي وئي. 

*****