ڪرپشن جي خلاف ڪاروائي جي نالي تي ڪراچي جي مڪاني ادارن جي آفيسرن ۽ ملازمن کي خوف زده ڪرڻ جو سلسلو بند ڪيو وڃي. ايم ڪيو ايم رابطا ڪميٽي.
ڪراچي: پهرين آڪٽوبر 2015
متحده قومي موومينٽ جي رابطا ڪميٽي چيو آهي ته ڪرپشن جي خلاف ڪاروائي جي نالي تي ڪراچي جي مڪاني ادارن جي آفيسرن ۽ ملازمن کي خوف زده ڪرڻ جو سلسلو بند ڪيو وڃي. پنهنجي هڪ بيان ۾ رابطا ڪميٽي چيو ته ان کان اڳ به قانون نافذ ڪرڻ وارن ادارن ڪي ڊي اي، ڪي ايم سي ۽ بلديه جي ٻين ادارن تي ڇاپا هڻي ڪري آفيسرن ۽ ملازمن جي خلاف ڪاروائي ڪئي هئي ۽ هاڻي سنڌ حڪومت اينٽي ڪرپشن جي اداري جي ذريعي ڪراچي جي مڪاني ادارن جي خلاف يلغار شروع ڪري ڇڏي آهي. جنهن جي جيتري به مذمت ڪئي وڃي اها گهٽ آهي. رابطا ڪميٽي چيو ته ڪرپشن جي خلاف ڪاروائي جي نالي تي سنڌ حڪومت جي طرفان ڪراچي جي مڪاني ادارن جي آفيسرن ۽ ملازمن کي خوف زده ڪيو پيو وڃي ۽ ڪراچي سان تعلق هجڻ جي بنياد تي انهن کي انتقامي ڪاروائي جو نشانو بڻايو پيو وڃي. رابطا ڪميٽي چيو ته ايم ڪيو ايم ڪرپشن جي سخت خلاف آهي ۽ اها سمجهي ٿي ته ڪرپشن جي خاتمي جي لاءِ يقينن سنجيدگي سان ڀرپور ۽ بغير ڪنهن فرق جي ڪاروائي ڪئي وڃڻ گهرجي ۽ ڪرپشن ۾ جيڪو به ملوث هجي ان جي خلاف قانون جي مطابق ڪاروائي ڪئي وڃي پر هتي سوال اهو آهي ته ڇا ڪرپشن ۽ بي قائدگيون صرف ۽ ڪراچي جي مڪاني ادارن ۾ ئي ٿي رهيون آهن؟ ڇا صوبائي ادارن ۾ ڪائي به ڪرپشن نه ٿي رهي آهي؟ ڇا پوري سنڌ جي ضلعي ادارن ۾ ڪائي به ڪرپشن ۽ بدعنواني نه ٿي رهي آهي؟ رابطا ڪميٽي مطالبو ڪيو ته ڪرپشن جي خلاف ڪاروائي جي نالي تي ڪراچي جي مڪاني ادارن جي آفيسرن ۽ ملازمن کي خوف زده ڪرڻ جو سلسلو فوري طور تي بند ڪيو وڃي.
*****