گرمي ۾ اضافي سان گڏ ئي بجلي جي غير اعلانيه لوڊشيڊنگ ۾ اضافي تي قومي اسيمبلي جي حق پرست مستعفي ميمبرن جي طرفان ڳڻتي جو اظهار.
ڪراچي: 30 سيپٽمبر 2015
قومي اسيمبلي جي حق پرست مستعفي ميمبرن ڪراچي ۾ گرمي جي وڌڻ سان گڏ ئي بجلي جي غير اعلانيه ۽ ڊگهي لوڊشيڊنگ جي سخت ترين لفظن ۾ مذمت ڪئي آهي. پنهنجي هڪ بيان ۾ انهن چيو ته هڪ طرف ته ڪي اليڪٽرڪ وڌيڪ بلنگ ۽ مختلف هٿڪنڊن جي ذريعي شهرين کي لٽي رهي آهي ۽ ٻئي طرف شهري بجلي جي بلن جي باقائده ادائگي جي باوجود نه صرف لوڊشيڊنگ برداشت ڪري رهيا آهن، بلڪه وڌيڪ بلن جو بار به کڻي رهيا آهن. انهن چيو ته رمضان شريف ۾ به سخت گرمي ۽ بجلي جي ڊگهي لوڊشيڊنگ جي ڪري هڪ هزار کان وڌيڪ ماڻهو لُڪ لڳڻ جي ڪري هلاڪ ٿي ويا هئا،پر ان جي باوجود به ڪي اليڪٽرڪ جي طرفان بجلي جي غير اعلانيه ۽ ڊگهي لوڊشيڊنگ ڪرڻ عوام سان وڏو ظلم آهي جنهن جي جيتري به مذمت ڪئي وڃي اها گهٽ آهي. انهن وزير اعظم ميان نواز شريف ۽ وزير اعلٰي سنڌ سيد قائم علي شاھ کان مطالبو ڪيو ته اهي ڪراچي ۾ بجلي جي غير اعلانيه ۽ ڊگهي لوڊشيڊنگ جو سختي سان نوٽس وٺن ۽ شهرين کي لوڊشيڊنگ جي عذاب کان ڇوٽڪارو ڏيارين.
*****