سرجاني ٽائون، شاھ فيصل ڪالوني ۽ لائينز ايريا ۾ ايم ڪيو ايم جي ڪارڪنن جي گهرن تي ڇاپن ۽ گرفتارين تي رابطا ڪميٽي جي طرفان سخت مذمت جو اظهار

ڪراچي: 29 سيپٽمبر 2015 

 متحده قومي موومينٽ جي رابطا ڪميٽي رينجر ۽ ساده لباس ۾ ملبوس اهلڪارن جي طرفان سرجاني ٽائون، شاھ فيصل ڪالوني ۽ لائينز ايريا ۾ ايم ڪيو ايم جي ڪارڪنن جي گهرن تي ڇاپن ۽ گرفتارين جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته رينجر سرجاني ٽائون سيڪٽر يونٽ 2 جي ڪارڪنن محمد ڪامران ۽ محمد حسين صديقي، لائينز ايريا سيڪٽر يونٽ 52 جي ڪارڪن محمد عمران ۽ شاھ فيصل سيڪٽر يونٽ 107 جي ڪارڪن جمال خانزاده جي گهر تي ڇاپو هڻي ڪري انهن کي گرفتار ڪري ورتو ۽ انهن کي اڻ ڄاتل هنڌ تي منتقل ڪري ڇڏيو آهي. رابطا ڪميٽي چيو ته ايم ڪيو ايم جي ڪارڪنن جي گهرن تي لڳاتار ڇاپا هنيا پيا وڃن جنهن جي ڪري انهن جي گهر وارن ۾ وڏي ڳڻتي پاتي وڃي ٿي. رابطا ڪميٽي وزير اعظم ميان نواز شريف، آرمي چيف جنرل راحيل شريف، وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ، ڪورڪمانڊر ڪراچي جنرل نويد مختيار۽  ڊي جي رينجر جنرل بلال اڪبر کان مطالبو ڪيو ته اهي ايم ڪيو ايم جي ڪارڪنن جي گهرن تي غير قانوني ڇاپن ۽ گرفتارين ۽ ايم ڪيو ايم کي ڀت سان لڳائڻ جو عمل فوري طور تي بند ڪرائين.