وزير اعظم ميان نواز شريف جي نيويارڪ آمد جي موقعي تي ايم ڪيو ايم نيويارڪ جو ڪراچي ۾ ناانصافين جي خلاف احتجاجي مظاهرو
نيويارڪ: 28 سيپٽمبر 2015
ايم ڪيو ايم نيويارڪ جي زير اهتمام وزير اعظم ميان نواز شريف جي نيويارڪ آمد جي موقعي تي ڪراچي ۾ ايم ڪيو ايم جي خلاف غير اعلانيه رياستي آپريشن، ان جي فلاحي سرگرمين تي پابندي ۽ ڪارڪنن جي ماورائي عدالت قتلن جي خلاف احتجاجي مظاهرو ڪيو ويو. جنهن ۾ ايم ڪيو ايم جي سينٽرل آرگنائزنگ ڪميٽي جي جوائنٽ انچارج محمد ارشد حسين ۽ ٻين شرڪت ڪئي. ان موقعي تي نيويارڪ ۾ مقيم پاڪستانين وڏي تعداد ۾ شرڪت ڪئي. انهن پنهنجن هٿن ۾ پاڪستان ۽ ايم ڪيو ايم جا جهنڊا کنيا هئا ۽ اهي نعرا به هڻي رهيا هئا. ان موقعي تي جوائنٽ آرگنائيزر محمد ارشد حسين خطاب ڪندي چيو ته ماضي ۾ به ايم ڪيو ايم جي ڪارڪنن جو ماورائي عدالت قتل ۽ ان کي ختم ڪرڻ جي لاءِ گندا هٿڪنڊا استعمال ڪيا ويا پر الله سائين جي ڪرم سان ايم ڪيو ايم اڄ به قائم آهي ۽ ڪارڪنن جي دلين مان جناب الطاف حسين جي محبت کي به ختم نه ڪيو ويو. انهن چيو ته جناب الطاف حسين پاڪستان جي بقا و سلامتي جي جنگ وڙهي رهيا آهن پر ايم ڪيو ايم کي ظلم جو نشانو بڻائي ڪري پاڪستان کي ڪمزور ڪيو پيو وڃي. ان موقعي تي انهن شرڪاء کي اپيل ڪئي ته اهي 30 سيپٽمبر تي اقوام متحده جي سامهون مظاهري ۾ ڀرپور شرڪت ڪن.